Manchester United po përforcohet dukshëm, Varane dhe Trippier pritet të zyrtarizohen javën që vjen

Manchester United po kërkon të forcojë skuadrën përpara sezonit të ri dhe ardhjen e Jadon Sancho e ka bërë një gjë të tillë që në start.

Por ‘Djajtë e Kuq’ nuk do të ndalen me kaq, pasi që janë afër goditjes së dyfishtë, ku pritet të afrohen mbrojtësit Raphael Varane dhe Kieran Trippier.

Mediat në Angli shkruajnë se marrëveshjet janë jashtëzakonisht afër përfundimit dhe njoftimet pritet të bëhen në fund të javës së ardhshme.

Varane ka qen i lidhur me një lëvizje në “Old Trafford” gjatë gjithë verës dhe Manchester United pritet të paguajë te Real Madridi rreth 60 milionë euro, pavarësisht se ka vetëm edhe një vit kontratë. Besohet se Varane ka rënë dakord me klubin anglez.

Trippier , ndërkohë, fitoi titullin e La Ligas me Atletico Madridin sezonin e kaluar, por tani është i etur për t’u kthyer në shtëpi  dhe mendohet që oferta për të është rreth 21 milionë euro.

Nëse të dy lojtarët do të bashkohen, Djajtë e Kuq do të kenë shpenzuar afërsisht 165 milionë euro në afatin kalimtar të kësaj vere. /Telegrafi/