Mali i Zi ka mirëpritur një njoftim sipas të cilit prokurorët rusë po shqyrtonin kërkesën e Podgoricës për ndihmë në investigimin e grushtit të shtetit që autoritetet malazeze thonë se ndodhi në tetorin e shkuar.
Ministri malazez i Drejtësisë, Zoran Pazin, tha të premten se Mali i Zi i kishte kërkuar Moskës të lejonte prokurorin special të shqyrtonte dy shtetas rusë të dyshuar se kanë luajtur një rol kryesor në grushtin e shtetit, që autoritetet pretendojnë se ndodhi tetorin e kaluar.
I pyetur nëse prokurori special, Milivoje Katniq, do të udhëtojë në Rusi për të marrë në pyetje Vladimir Popovin dhe Eduard Shishmakovin, të cilët janë të dyshuarit e organizimit të grushtit të shtetit në ditën e zgjedhjeve më 16 tetor, ministri tha se nuk kishte ardhur ende ndonjë ftesë zyrtare.
“Si ministër dhe zv.kryeministër, pres këtë lloj bashkëpunimi me Rusinë. Nga ana jonë, zyra e prokurorit special ka dërguar kërkesë për ndihmë ligjore ndërkombëtare, ka kërkuar një seancë pyetjeje me Shishmakov dhe Popov në prani të kryeprokurorit tonë dhe partnerëve të tij”, tha Pazin.
Ai shtoi se Mali i Zi ka marrë konfirmimin për vërtetësinë e pasaportave të Shimakovit dhe Popovit nga zyra e Interpolit në Moskë.
Të enjten, prokuroria ruse tha se ishte duke shqyrtuar kërkesën e Malit të Zi për asistencë në hetim.
Por, Moska hodhi sërish poshtë akuzat se agjencitë ruse ushtarake dhe ato të sigurisë janë përfshirë në planin për të përmbysur qeverinë dhe për vrasjen e ish-kryeministrit Milo Gjukanoviq.
Më 16 shkurt kryeprokurori malazez Milivoje Katniç tha se shteti rus orkestroi një përpjekje për grusht shteti më 16 tetor në Malin e Zi në përpjekje për të ndaluar vendin ballkanas të anëtarësohet në NATO.
Më 18 nëntor, Prokuroria Speciale publikoi emrat e dy rusëve – Eduard Shishmakov dhe Vladimir Popov – të akuzuar për organizimin e komplotit.
“Në vitin 2014, Shishmakov ishte zv. atashe ushtarak në ambasadën ruse në Poloni, por u përjashtua pas spiunazhit për Rusinë,” shpjegoi Katniq.
Agjencia ruse e lajmeve Tass raportoi të enjten se një zëdhënëse e ministrisë së jashtme ruse, Maria Zakharova, tha në një konferencë për shtyp se pretendimet për përfshirjen ruse ishin jashtë logjikës.
Opozita malazeze që kundërshton NATO-n ka vazhduar të pretendojë se qeveria pro-perëndimore e drejtuar më parë nga Gjukanoviq e ka sajuar grushtin e shtetit për ta diskredituar atë. /BIRN/reporter.al/
Lufta Prigozhin - Putin
Më shumëSHBA fillon ndërtimin e bazës lundruese në brigjet e Gazës
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Zbulohen detaje dhe pamje të vjedhjes nga grupi kriminal serb “Pink Panther” në një argjendari në Greqi – bie në sy një detaj
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Rusia nuk ka 'interes' të sulmojë shtetet e NATO-s, thotë kreu i ushtrisë së Putinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre