LAJMI I FUNDIT:

Loriana Kuka në finale të garës për çmimin e madh ‘Marrakech 2019’

Loriana Kuka në finale të garës për çmimin e madh ‘Marrakech 2019’
(Fotoarkiv: IJF/KOK/Facebook)

Loriana Kuka është kualifikuar në finale të Grand Prixit të xhudos, i cili po mbahet në Marrakech të Marokut.

Xhudistja nga Kosova shënoi tri fitore në kategorinë -78 kilogramë, ndërsa në finale takohet me gjermanen Maria Ana Wagner.

“I urojmë fat dhe suksese Lorianës në luftën për medaljen e artë”, thuhet në postimin e KOK-ut në Facebook.

Gara për çmimin e madh të këtij viti në Marrakech është shumë e rëndësishme, duke qenë se vlen për pikë kualifikuese në Lojërat Olimpike ‘Tokio 2020’.

Të gjitha lajmet nga Loriana Kuka
Lexo po ashtu Të gjitha lajmet nga Loriana Kuka

Ndërkaq, theksojmë se Loriana është xhudistja e vetme nga Kosova që është pjesëmarrëse në këtë garë.

Kujtojmë që xhudistja jonë arriti deri në finalen e madhe edhe në ‘Tel Aviv 2019’, ku e rrëmbeu medaljen e argjendtë.

Në garën e zhvilluar në Izrael, ajo nuk arriti ta mposhtte vetëm sllovenen Klara Apotekar në kategorinë deri në 78 kilogramë.