LAJMI I FUNDIT:

Lojtari i CS:GO, KRYSTAL do të nis rrugëtimin e ri si trajner

Lojtari i CS:GO, KRYSTAL do të nis rrugëtimin e ri si trajner

Kevin “⁠kRYSTAL⁠” Amend ka njoftuar vendimin e tij për t’u larguar nga loja për t’u fokusuar në rolin e ri si trajner.

Krystal është pjesë e skenës së CS:GO për më shumë se dhjetë vite, ku kulmin e karrierës e arriti me ekipin PENTA, ku ishin pjesë e tre turneve Major.

Së fundmi lojtari gjerman ishte nën udhëheqjen e ekipit cowana me renditjen në vendin 151 –të në botë.

Lojtari 29 vjeçar ka thënë se kritikat publike ishin njëra nga arsyet për vendimin e tij.

“Unë gjithmonë kam qenë një person për skuadrën, që e sakrifikon veten e tij për më të mirën, nuk ka rëndësi sa keq mund të jem dukur në proces”.

Ai foli edhe për faktin se kalimi në trajner është një perspektivë e frikshme, por që ndihet gati për sfidën.
“Unë e di për shkak të gjitha gjërave që kam kaluar dhe gjithçka që kam arritur – nëse me të vërtetë dua të bëj diçka, patjetër që jam në gjendje ta bëj”.

29-vjeçari, i cili është nën kontratë me Cowana deri në janar 2023, ka deklaruar se palët e interesuara për shërbimet e tij si trajner mund ta kontaktojnë atë në Twitter. /Telegrafi/