Skena profesionale e video-lojës League of Legends është njëra ndër më të pëlqyerat dhe më të shikuarat sa i përket eSports.

Edhe në skenën profesionale të League of Legends lojtarët fitojnë shuma të mëdha, nga turnetë profesional të cilët ata marrin pjesë si dhe nga sponsorët e tyre dhe organizata.

Shuma e fitimeve të cilën e ka arritur një lojtarë i vetëm gjatë karrierës së tij në League of Legends kalon shumën e një milion dollarëve.

League of Legends renditet në vendin e katërt sa i përket çmimeve të shpërndara nga turnetë profesional në skenën e saj.

Turneu i cili ka shpërndarë çmimin më të madh në histori të League of Legends, është Kampionati Botëror i vitit 2018, me gjithsej 6.4 milion dollarë shpërblime.

Reklama
Reklama

Më poshtë e gjeni listën me pesë lojtarët me fitimet më të mëdha në skenën e League of Legends sipas esportsearnings:

5. Bae Sung-woong, i njohur më mirë si Bengi, është një ish-lojtar profesionist i League of Legends nga Korea e Jugut dhe trajner aktual për ekipin T1.
Bae është një nga dy lojtarët e vetëm që ka fituar tre herë Kampionatin Botëror të League of Legends, duke e bërë këtë në 2013, 2015 dhe 2016.

Shuma e fitimeve të Bengi arrin vlerën rreth 810 mijë dollarë.

4. Lee “Wolf” Jae-wan është një lojtar korean në pension i cili së fundmi ka luajtur si “Support”për SuperMassive eSports, ai është më i shquar për kohën e tij të udhëtimit me Bang në ekipin SK Telecom T1, duke fituar 2 tituj radhazi të Kampionatit Botëror, Wolf tani është një transmetues dhe krijues i përmbajtjes për T1.

Reklama
Reklama

Shuma e fitimeve të Wolf arrin vlerën 913 mijë dollarë.

3. Bae “Bang” Jun-sik  është një lojtar korean i pensionuar, i cili tani është transmetues dhe krijues i përmbajtjes për T1.

Shuma e fitimeve të Bang arrin vlerën 915 mijë dollarë.

2. Lee ” Duke ” Ho-seong ish-lojtar profesionist i League of Legends nga Korea e Jugut, tani lojtarë i pensionuar, është lojtari i vetëm që ka fituar 2 kampionate botërore me dy organizata të ndryshme dhe duke luajtur nga dy rajone të ndryshme, duke fituar Botërorët 2015 me SK Telecom T1 dhe 2018 me Invictus Gaming.

Shuma e fitimeve të Duke arrin vlerën rreth 954 mijë dollarë.

Reklama

1. Lee “Faker” Sang Hyeok është një lojtar korean i League of Legends, Lee është një nga dy lojtarët e vetëm që ka fituar tre herë Kampionatin Botëror të League of Legends , duke e bërë këtë në 2013, 2015 dhe 2016, ai ka fituar gjithashtu Kampionatin All-Star Paris 2014, turneun e ftesës në mes të sezonit në 2016 dhe 2017 , dhe Kampionatin Botëror IEM në 2016.

Reklama

Shuma e fitimeve të Faker arrin vlerën 1.3 milion dollarë.

/Telegrafi/