Llapi sot ka triumfuar përballë Drenicës me rezultat 1-0 me golin e shënuar nga Mentor Zhdrella në fillim të ndeshjes.

Por ajo se për çfarë po krenohen te klubi i Llapit është se, Tahir Batatina sot iu ka dhënë hapësirë futbollistëve të rinj.

Në duel me FC Drenicën, tekniku llapjan inkuadroi katër futbollistë të rinj, për të cilët pati vetëm fjalë të mira pas ndeshjes.

“Përveç fitores që kemi arritur sot, gjithashtu kemi inkuadruar edhe katër futbollistë të rinj, kështu që ja kalova për një lojtarë Ismet Munishit”, deklaroi Batatina pas ndeshjes.

Kastriot Selmani (20 vjeç), Valmir Veliu (19 vjeç), Muhamet Hyseni (18 vjeç) dhe Hajdin Salihu (17 vjeç) u paraqitën për Llapin në duelin ndaj Drenicës.

Kujtojmë që nga skuadra e Llapit drejt kampionatit të Kroacisë ishin transferuar Mirlind Daku e Festim Alidema. /Telegrafi/