Liverpooli ka arkëtuar pikë të rëndësishme në triumfin (2-0) ndaj Sheffield Unitedit në Bramall Lane.

Fraksioni i parë i lojës nuk prodhoi gola, ndërsa skuadrës vendase iu anulua një gol për pozitë jashtë loje.

Me të filluar pjesa e dytë (48’), mysafirët e zhbllokuan rezultatin. Curtis Jones reagoi më së miri në zonë për të realizuar.

(Foto: Twitter/Liverpool FC)

Roberto Firmino ishte autor i golit të dytë (64’), të cilin e realizoi pas asistimit nga Sadio Mane.

Falë kësaj fitoreje, Liverpooli është ngritur në kuotën e 43 pikëve, dy më pak se pozita e pestë që mbahet nga West Ham Unitedi.

Në anën tjetër, Sheffield Unitedi mbetet në vend të fundit në tabelë me vetëm 11 pikë të arkëtuara. /Telegrafi/