Liverpool realizoi fitore të thellë para shikuesve të vetë në xhiron e mbetur të 33-të të Ligës Premier.
The Reds shkatërruan në Anfield Road skuadrën e Evertonit duke e mposhtur me rezultat 4:0.
Katër lojtarë të ndryshëm shënuan për skuadrën e trajnerit Jurgen Klopp.
Divock Origi (43’) dhe Mamadou Sakho (45’+) shënuan në pjesën e parë për Liverpoolin.
Po aq gola realizoi skuadra e Liverpoolit edhe në pjesën e dytë, raporton Telegrafi.
Daniell Sturridge (61’) vazhdoi serinë e golave të vendasve, ndërsa golin e rezultatit përfundimtar prej 4:0 e shënoi Coutinho (76’).
Pas kësaj fitore, Liverpool ka 54 pikë dhe renditet në vendin e shtatë të renditjes tabelore të ligës elitare angleze. /Telegrafi/
