Sapo është bërë e ditur nga Riot Games se reperi amerikan Lil Nas X do të bashkëpunojë me video-lojën e League of Legends për Kampionatin Botëror 2022.

Reklama

Në fakt artisti fitues i çmimit Grammy do të debutojë himnin e tij të ardhshëm për Kampionatin Botëror të League of Legends, të quajtur STAR WALKIN, i cili pritet të dalë të premten e ardhshme, më 23 shtator.

I njohur për hitet si Old Town Road, Montero (Call Me By Your Name) dhe Industry Baby, Lil Nas X do të sjellë talentin e tij edhe gjatë Kampionatit Botëror të League of Legends.

Përveç këngës së tij të ardhshme në lidhje me Kampionatin Botëror të League of Legends, Lil Nas do të performojë gjatë ceremonisë së hapjes së finaleve të mëdha në Chase Center në San Francisko.

Reklama
Reklama

Pasi ka lënë gjurmë në kulturën pop në shumë mënyra, Lil Nas X po kërkon të ndërmarrë hapin tjetër të madh, që është “bota e lojërave”

Ai gjithashtu ka njoftuar disa përditësime të tjera që fansat duhet t’i presin pasi do të ketë dy video muzikore për himnin e ardhshëm, një nga League of Legends dhe një nga ai.

Kampionati Botëror i League of Legends, do të fillojë për më pak se dy javë, dhe priten edhe shumë surpriza tjera të cilat fansat po i presin me padurim. /Telegrafi/