L’Equipe njofton katër ndryshime në rregullat për ‘Topin e Artë’ – Messi ‘bie’ nga gara, Kosova nuk ka të drejtë vote
Me synimin për të rinovuar dhe për t’i bërë kriteret gjithnjë e më të qarta, L’Équipe ka njoftuar katër ndryshime në rregullat e ‘Topit të Artë’.
Fituesi i fundit i këtij çmimi është Leo Messi, apo shtatë herë fituesi i trofeut (rekord).
Më poshtë i gjeni katër ndryshimet që do të hyjnë në fuqi nga edicioni i ardhshëm.
1. DO TË NUMËROHET SEZONI, JO VITI
Deri më tani, fituesi i ‘Topit të Artë’ numërohej më i miri i vitit (nga janari në dhjetor), që ishte ekuivalente me marrjen në konsideratë të dy gjysmë sezoneve dhe jo të një sezoni të plotë.
Tani e tutje do të vlerësohet ajo që është arritur në sezon, nga gushti deri në korrik.
Kupa e Botës në Katar, pra, nuk do të llogaritet për Topin e Artë të vitit 2022 dhe do të llogaritet për atë të radhës, për atë të vitit 2023, pasi kur mbahet në dhjetor, bie brenda sezonit të ardhshëm.
Një ndryshim që praktikisht lë jashtë luftës për çmimin e radhës fituesin aktual, Leo Messi. I eliminuar në raundin e 16-të të Ligës së Kampionëve dhe me një rol të vogël në Ligue 1, shansi i tij i vetëm ishte të fitonte ose të luante një rol të madh në Kupën e Botës.
Duke qenë se ngjarja e Katarit do të llogaritet për edicionin e ardhshëm, argjentinasi pothuajse përjashtohet si fitues për vitin 2022.
2. NDRYSHIMET GJATË PËRGATITJES SË LISTAVE
Topi i Artë ka tridhjetë kandidatë për çmimin e meshkujve, njëzet për femrat dhe dhjetë për trofetë Yachine dhe Kopa.
Si do të zgjidhen? Deri më tani ishte një çështje e redaksive të France Football dhe L’Équipe. Tani e tutje do të shtohet edhe Didier Drogba, ambasadori i ‘Topit të Artë’, si dhe votuesit e edicionit të kaluar që iu afruan më shumë rezultatit përfundimtar. Për edicionin e radhës do të jetë gazetari vietnamez Truong Anh Ngoc, Gordon Watson (Zelanda e Re) dhe Karolina Hlavackova (Çeki). Midis këtyre personave do të shtjellohet listat përfundimtare që do të futen në garë.
3. “VETËM” PËRFAQËSUESIT E 100 VENDEVE TË PARËVE TË RANGIMIT TË FIFA-s DO TË VOTOJNË
Deri më tani, në listën e kandidatëve kanë votuar përfaqësues të 170 vendeve. L’Équipe merr vendim se vendet “të cilat nuk kanë një kulturë të madhe të futbolli apo legjitimitet historik dhe jo gjithmonë akses të lehtë në garat kryesore”, mund të dobësojnë jurinë.
Pra, gazeta franceze zvogëlon numrin e vendeve me të drejtë vote. “Vetëm përfaqësuesit e 100 vendeve të para në renditjen e FIFA-s (50-të për femrat) do të “mund” të votojnë”.
Kosova nuk do të mund të votojë, pasi ekipi përfaqësueses gjendet në vendin e 109-të në ranglistë.
4. KRITERET PËR VOTIMIN E NJË LOJTARI
L’Équipe kështu ka shpjeguar kriteret e reja: “Topi i Artë është një çmim individual. Kriteri numër 1 do të fokusohet kryesisht në paraqitjen individuale të pretendentëve. Duke qenë se futbolli mbetet një sport kolektiv pavarësisht gjithçkaje, kriteri numër 2 do të fokusohet tek performanca kolektive dhe rekordi i grumbulluar gjatë sezonit. Së fundi, kriteri numër 3 do t’i referohet klasit të lojtarit dhe lojës së ndershme. Kjo pasi të jesh shembull ka rëndësi. Një kriter që ishte si: “karriera e lojtarit” tashmë është larguar. Kjo për ta konsideruar garën për ‘Topin e Artë’ si një garë të hapur”. /Telegrafi/
Promo
Reklamo këtuLufta Prigozhin - Putin
Më shumëZyrtare: Serie A do të ketë pesë skuadra në Ligën e Kampionëve për sezonin 2024/25
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Emiliano Martinez shmang përjashtimin gjatë gjuajtjes së penalltive falë një rregulli pak të njohur – ai ngacmoi tifozët e Lille
Gundogan i pamëshirshëm për shokun e skuadrës, e lë fajtor për eliminimin e Barcelonës
Ai është më i rëndësishëm se sa mendojnë tifozët e futbollit - djali i Ancelotti kyç në dhomën e Real Madridit
Ka pesë vite pjesë e klubit, çmimi qesharak i shitjes që Reali i ka vendosur yllit të skuadrës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin