Lavezzi kryeson listën e 10 lojtarëve më të paguar në historinë e Superligës Kineze, paga ishte e çmendur
Ezequiel Lavezzi u bë lojtari me pagën më të lartë në historinë e Superligës Kineze kur iu bashkua Hebei China Fortune – dhe askush nuk ka fituar më shumë që atëherë.
Sulmuesi argjentinas, i cili përfundoi lëvizjen e tij në Kinë nga Paris Saint-Germain në verën e vitit 2016, fitoi 798,000 funte në javë gjatë periudhës së tij trevjeçare në stadiumin Langfang.
Nëse këto shifra janë vërtet të sakta, atëherë Lavezzi mori 41.5 milionë funte në vit në CSL, ku shënoi 35 gola në 74 ndeshje përpara se të shpallte pensionimin e tij në fund të nëntorit 2019.
#tbt🔙🇨🇳 @Mascherano 😕 pic.twitter.com/uMhY8D1opG
— Ezequiel Lavezzi (@PochoLavezzi) September 16, 2021
Duket e pamundur që dikush t’i tejkalojë të ardhurat e përgjithshme të atij pasi Super Liga Kineze vendosi një kufi pagash për blerjet e huaja vitin e kaluar për të ‘frenuar futbollin me para’ dhe për të mbështetur ekipin kombëtar.
Por – duke parë prapa, kush do të hyjë në histori si lojtarët më të paguar të CSL?
Nga ish-sulmuesi i Manchester United dhe Manchester City, Carlos Tevez, i cili thuhet se fitoi 634,615 funte në javë gjatë kohës së tij në Shanghai Shenhua, te ish-mesfushori i Chelseat Oscar, i cili ende luan në ligë.
Këtu është një listë e top 10-të lojtarët më të paguar të Superligës Kineze, raporton The Daily Star:
-
Marouane Fellaini – 205,000 funte në javë (Shandong Luneng)
Mesfushori belg përfundoi një lëvizje te Shandong Luneng nga Manchester United në vitin 2019 për një tarifë të pazbuluar, që mendohet të jetë rreth 10.5 milionë funte. Ai ende luan për klubin.
-
Eder – 213,000 funte në javë (Jiangsu)
Në verën e vitit 2018, Eder iu bashkua Jiangsu Suning nga Interi për një shumë të raportuar prej 5.5 milionë euro. Ai shënoi 32 gola në 60 ndeshje për klubin gjatë një periudhe dyvjeçare përpara se të nënshkruante për skuadrën braziliane Sao Paulo në mars 2021.
-
Paulinho – 230,000 funte në javë (Guangzhou Evergrande)
Reprezentuesi brazilian Paulinho iu bashkua një prej klubeve më të mëdha kineze Guangzhou Evergrande nga skuadra e Ligës Premier, Tottenham për 9.9 milionë funte në 2015. Ai kaloi dy vjet në Evergrande përpara se të transferohej te Barcelona.
Ai më pas iu bashkua Evergrande në 2018 dhe kaloi tre vjet të tjera.
-
Stephan El Shaarawy – 247,000 funte në javë (Shanghai Shenhua)
Në verën e vitit 2019, ish-anësori i Milanit, Stephan El Shaarawy, u bë emri i fundit i madh që ka nënshkruar një marrëveshje trevjeçare me skuadrën e Superligës Kineze, Shanghai Shenhua për një tarifë të raportuar prej 16 milionë euro.
Ai shënoi vetëm katër gola për klubin përpara se të ribashkohej me Romën në janar 2021.
-
Graziano Pelle – 263,000 funte në javë (Shandong Luneng)
Pas një kampionati mbresëlënës evropian, sulmuesi italian Graziano Pelle u bë një nga lojtarët më të paguar në futbollin botëror kur përfundoi transferimin e tij te Shandong Luneng në vitin 2016 për një tarifë që besohet të jetë rreth 13 milionë funte.
Ai shënoi 63 herë në 133 paraqitje në total gjatë një periudhe mbresëlënëse katërvjeçare.
-
Hulk – 320,000 funte në javë (Shanghai SIPG)
Në verën e vitit 2016, skuadra e Superligës Kineze, Shanghai SIPG shpenzoi 47 milionë funte për të joshur Hulkun në Azi. Ai bëri 145 paraqitje për klubin, duke shënuar 77 gola para se të largohej në 2020.
-
Cedric Bakambu – 341,000 funte në javë (Beijing Guoan)
Në ditën e fundit të afatit kalimtar kinez, Cedric Bakambu përfundoi një transferim prej 65 milionë funtesh në Beijing Guoan nga Villarreal në shkurt 2018. Ai shënoi 58 herë në 87 ndeshje për klubin përpara se të transferohej në Marseille në janar.
-
Oscar – 500,000 funte në javë (Shanghai SIPG)
Ish-lojtari i Chelseat u largua nga Stamford Bridge në janar 2017 për t’u bashkuar me Shanghai SIPG për një shumë prej 60 milionë funtesh dhe që nga ajo lëvizje me para të mëdha, ka gëzuar sukses të madh në vend, duke shënuar 50 gola në 170 paraqitje.
-
Carlos Tevez – 634,615 funte në javë (Shanghai Shenhua)
Ish-sulmuesi i Manchester United u bë lojtari më i paguar në futbollin botëror pas lëvizjes së tij në Shanghai Shenhua, por koha e tij në Kinë ishte larg nga suksesi.
Ai kaloi vetëm shtatë muaj në Kinë.
-
Ezequiel Lavezzi – 798,000 funte në javë (Hebei China Fortune)
Siç u përmend më herët, sulmuesi argjentinas fitoi 798,000 funte në javë gjatë periudhës së tij trevjeçare në stadiumin Langfang. /Telegrafi/
Lufta Prigozhin - Putin
Më shumëNga Rubrika
Ndër kryesorët te Real Madridi, por Andriy Lunin vetëm dy futbollistë fitojnë më pak se ukrainasi te Los Blancos
“Ligji Mbappe” – Qeveria do ta ndihmojë Real Madridin të nënshkruajë me Mbappen me një ligj të ri tatimor
“Më shumë flas dhe këshillohem me të se ma babanë tim” – Marcus Thuram tregon emrin e legjendës që e këshillon për çdo gjë
Capello zgjedh katër gjeni të futbollit, nuk e përfshin Ronaldon
Fiton 300 mijë euro në javë dhe është titullar, ylli i Cityt merr vendimin përfundimtar për t'u larguar në verë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Bayerni shokon të gjithë me trajnerin i cili do ta drejtojë ekipin sezonin e ardhshëm
Po ndiqet nga tre top klube evropiane, ylli i Realit po refuzon kontratën e re dhe dëshiron largimin nga Los Blancos
Nedim Bajrami mund të luajë në Ligën e Kampionëve, e do klubi italian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj