Lautaro Martinez është njëri nga lojtarët kryesorë të Interit në vitet e fundit.

Sulmuesi argjentinas u kërkua me ngulm nga Barcelona në afatin kalimtar të verës, por në fund transferimi i tij nuk u realizua dhe Lautaro mbeti pjesë e Interit.

Ai ka folur për rinovimin e kontratës, ku ka deklaruar se ndihet mirë te Interi.

“Klubi dhe menaxheri im po flasin për rinovimin, do të gjendet një marrëveshje. Unë ndihem mirë në Milano, jam i qetë”, u shpreh argjentinasi.

Qëllimi i tij është që ta fitojë titullin e kampionit me Interin.

“E dua titullin, po punoj dhe jam këtu për këtë objektiv. Pas shumë viteve të dominimit të Juventusit, këtë vit kampionati është më i ekuilibruar dhe argëtues”, vazhdoi tutje Lautaro.

Tutje sulmuesi i talentuar deklaroi se kishin një krizë për shkak të përshtatjes së lojtarëve të rinj që kanë ardhur.

“Ne po luftojmë për një qëllim: të fitojmë. Kur ta bëjmë, do të jetë e mrekullueshme. Kemi pasur një fazë përshtatjeje për lojtarët e afruar së fundmi dhe tani jemi atje ku kemi dashur. Tani duhet të punojmë fort për të qenë gjithnjë e më shumë një ekip”.

Krejt në fund ai foli edhe për partneritetin që ka me Romelu Lukakun, duke thënë se kanë një histori të njëjtë.

“Ndihem mirë me Lukakun brenda dhe jashtë fushës, ai është shumë i përulur. Ka një histori të ngjashme me timen, ne nuk vijmë nga asgjë dhe kuptohemi me njëri-tjetrin”, përfundoi Lautaro Martinez. /Telegrafi/