Programi i parë fitues nga Kosova dhe Evropa Juglindore i fondit për Inovacion i Departamentit Amerikan të Shtetit, u çel të enjten në Prishtinë, në një ceremoni zyrtare të organizuar nga Innovation Centre Kosovo dhe Ambasada e SHBA-së në Kosovë. Programi “Junior Geeks” u nda si shpërblim për grupin e tre bursistëve të Qeverisë Amerikane – Eldita Tarani, Shpend Lila dhe Zana Tabaku.
Çdo vit, Fondi i Bursistëve për Inovacion (US Alumni Engagement Innovation Fund) i Departamentit Amerikan të Shtetit, ndanë një numër të limituar të fondeve për mbështetje të projekteve globale që kanë synim përparimin e shoqërisë. Këtë vit, Kosova ka ngadhënjyer si një ndër 70 projektet fituese (i vetmi nga Evropa Juglindore), në mesin e një mori idesh kreative dhe inovative nga e mbarë bota, duke fituar mbështetje financiare për zbatimin e programit “Junior Geeks”.
“Junior Geeks” është një platformë gjithëpërfshirëse për nxënës të shkollave të mesme, për të diskutuar, hulumtuar dhe mësuar teknologjinë, ndërmarrësin, shkencën dhe inovacionin. Kjo platformë, do të sjellë ekspertë lokal nga bota e teknologjisë, shkencës dhe inovacionit në dispozicion të të rinjve të klubeve shkollore, për të mësuar rreth temave që u ndihmojnë atyre të formësojnë dhe zbatojnë shkathtësitë në fushat si: programimi, robotika, mekatronika, siguria kibernetike, marketingu digjital, inteligjenca artificiale, analiza e të dhënave, teknologjia blockchain, dizajnin grafik, SEO, “machine learning”, hulumtimi shkencor, etj.
Në hapje të aktivitetit, Ambasadori Amerikan në Kosovë, Philip Kosnett u shpreh shumë i lumtur me suksesin e tre bursistëve dhe ngadhënjimin e projektit nga Kosova në garën e Departamentit Amerikan të Shtetit. “Pa hezitim e pranova ftesën për të qenë pjesë e aktivitetit hapës të këtij programi. Dua të përgëzoj Shpendin, Zanën dhe Elditën për këtë arritje. Departamenti i Shtetit ka vlerësuar 1300 projekte nga e mbarë bota, dhe ka vendosur të shpërblejë më pak se 1% të tyre. Projekti nga Kosova është në mesin e fituesve, dhe ky është një tregues i qartë për talentin e të rinjve në këtë vend”.
Edhe drejtori ekzekutiv i ICK-së, Uranik Begu, tha se programi që u lansua sot do të ketë më shumë ndikim nëse është gjithëpërfshirës. “Një shoqëri e cila nuk është e aftë që të përfshijë të gjitha pjesët e komuniteti të vet, nuk do të ketë zhvillim. Prandaj, falënderim për ju që keni ardhur prej Mitrovicës, Pejës, të gjitha komunave të tjera, besoj që ky program do të jetë më i plotë dhe më kuptimplotë dhe më me ndikim nëse bëhemi bashkë dhe e përçojmë një mesazh që Kosova meriton më mirë, meriton tema më të mira”, tha Begu. Ai tha se janë të hapur për çdo iniciativë që ka për synon përmirësimin e mirëqenies dhe që fokus ka zhvillimin ekonomik.
Ministri i Arsimit, Shkencës dhe Teknologjisë, Shyqiri Bytyqi tha se rinia kosovare e ka talentin, veçse duhet ofruar mundësi që ata të zhvillohen.
“Ajo çka i duhet rinisë tonë është t’u krijojmë mundësi dhe kushte, sepse talentin e kanë, dhe tregon rezultati këtu sot se çfarë talenti kemi te të rinjtë tanë. Partnerët tanë të rëndësishëm po na krijojnë mundësi për të rinjtë tanë, por na mbetët obligim i yni shumë i madh që të rinjve tanë t’u krijojmë kushte dhe mundësi që vërtet të jenë e ardhmja jonë. Nëse ne do të arrijmë që të rinjve tanë t’u krijojmë kushte çfarë sot po prezantohen, të jemi të sigurt që e ardhmja e vendit tonë është shumë e sigurt”, tha ai.
Gjatë këtij aktiviteti, nxënësit nga Akademia jCoders dhe Shkolla Digjitale, demonstruan për bashkëmoshatarët e tyre projekte digjitale dhe inovative, të punuara nga vet ata
“Junior Geeks” do të jetë nisma e parë e zbatuar nëpër shkollat e mesme, e cila do të materializojë talentin e nxënësve në teknologji, inovacion, shkencë dhe ndërmarrësi, si dhe do të ndikojë në përzgjedhjen e karrierave premtuese nga ana e nxënësve.
Faza e parë e programit do të zbatohet në periudhën Mars – Shtator 2019, dhe përfitues do të jenë fillimisht nxënësit e shkollave të mesme të Prishtinës, Pejës dhe Mitrovicës.
“Junior Geeks” është program i financuar nga Departamenti Amerikan i Shtetit, nëpërmjet Ambasadës Amerikane në Prishtinë dhe Innovation Centre Kosovo (ICK), i ndarë si shpërblim për grupin e tre bursistëve të përbërë nga Eldita Tarani, Shpend Lila dhe Zana Tabaku. /Telegrafi/
Lufta Prigozhin - Putin
Më shumëNdodhi 19 vite më parë, kjo është videoja e parë që është postuar në YouTube
Telefoni juaj mund të vlejë më shumë se sa mendoni - kontrolloni nëse është në këtë listë
Qeni robot që mund të hedhë flakën deri në 15 metra, kompania amerikane thotë se mund ta blejë kushdo
Zhvillohet gara e parë midis një aeroplani luftarak me pilot njerëzor dhe një tjetri të kontrolluar nga Al
Art nga robotët
Xiaomi Redmi K60 vjen me Dimensity 8200 të ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre