LAJMI I FUNDIT:

Lajçak përmendi 3-4 marrëveshje që pritet të finalizohen mes Kosovës dhe Serbisë, BE-ja dhe Qeveria nuk japin detaje

Lajçak përmendi 3-4 marrëveshje që pritet të finalizohen mes Kosovës dhe Serbisë, BE-ja dhe Qeveria nuk japin detaje

Përfaqësuesi special i Bashkimit Evropian për dialogun Kosovë-Serbi, Miroslav Lajçak në fillim të këtij muaji tha se janë gati tri-katër marrëveshje në mes dy palëve të cilat pritet të finalizohen së shpejti.

Ai këtë deklaratë e bëri gjatë Forumit të 15-të në Dubrovnik, mirëpo nuk jepi detaje se për çfarë marrëveshje bëhet fjalë. Detaje nuk kanë dhënë as nga Bashkimi Evropian.

Lajçak: Kosova dhe Serbia së shpejti pritet të finalizojnë 3-4 marrëveshje
Lexo po ashtu Lajçak: Kosova dhe Serbia së shpejti pritet të finalizojnë 3-4 marrëveshje

Zëdhënësi i BE-së, Peter Stano në një përgjigje për Telegrafin, tha se do të jenë më konkretë kur të finalizohen këto marrëveshje.

Ai gjithashtu shtoi se çështja e afateve se kur do të finalizohen marrëveshjet varet nga ana e Kosovës dhe Serbisë.

“Do të jemi më konkretë kur do të finalizohen ato marrëveshje. Afatet kohore varen gjithmonë nga aftësia dhe gatishmëria e të dyja palëve (Kosovës dhe Serbisë) për të rënë dakord”, deklaroi Stano.

Telegrafi ka dërguar pyetje edhe në Zyrën e Kryeministrit, Albin Kurti mirëpo të njëjtit deri më tani nuk janë përgjigjur.

Lajçak kishte vlerësuar të dyja palët për takimet mujore në nivel të negociatorëve kryesorë dhe kishte shtuar se ekziston marrëveshja që takimet të zhvillohen në nivelin më të lartë Kurti-Vuçiq.

Një takim i mundshëm mes kryeministri Albin Kurti dhe presidentit Aleksandar Vuçiq është thënë se mund të ndodh gjatë këtij muaji, mirëpo deri më tani nuk ka asgjë zyrtare.

Bartësit e dialogut, kryeministri i Kosovës, Albin Kurti, dhe presidenti i Serbisë, Aleksandar Vuçiq, nuk janë takuar në Bruksel që nga korriku i vitit 2021.

Deri më tani, ata kanë zhvilluar vetëm dy takime dhe që të dyja nuk kanë sjellë ndonjë rezultat konkret.

​Kurti dhe Lajçak në Greqi, flasin për hapat e ardhshëm të dialogut
Lexo po ashtu ​Kurti dhe Lajçak në Greqi, flasin për hapat e ardhshëm të dialogut

Së fundmi Kurti ka pasur një takim me Lajçak gjatë punimeve të Symi Symposium në Greqi. Gjatë takimit të tyre është thënë se është biseduar për procesin e dialogut dhe hapat e ardhshëm në këtë proces.

Kujtojmë se procesi i dialogut mes Kosovës dhe Serbisë ka nisur qysh në vitin 2011, me ndërmjetësimin e Bashkimit Evropian dhe mbështetjen e Shteteve të Bashkuara. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori