Kush ishin dyshja që e mposhti Argjentinën me golat e tyre? Nuk keni dëgjuar për ta, por janë legjenda arabe

Arabia Saudite mundi Argjentinën me rezultat 2-1 në xhiron e parë të fazës së grupeve të Kupës së Botës për të shkaktuar një nga surprizat më të mëdha në historinë e Kampionateve Botërore.

Shumë të bukur ishin golat, të shënuar nga lojtarët e klubit më të mirë saudit Al-Hilal, sulmuesi Saleh Al-Shehri (29) dhe anësori Salem Al-Dawsari (31).

Goli i parë i shënuar nga Al-Shehri ndaj  Argjentinës, ishte i 11-ti  në 21 paraqitje për kombëtaren, për të cilën ai luan vetëm që nga viti 2020.

Me klubin ai fitoi tre kampionatet e fundit të Arabisë Saudite dhe Ligën e Kampionëve të Azisë në vitet 2019 dhe 2021.

Ai e kaloi pothuajse të gjithë karrierën e tij në atdheun e tij, me një episod në Portugali.

Dhjetë vjet më parë ai u provua për skuadrën e ligës së ulët Mafri dhe më pas provoi vetën edhe për ekipin e atëhershëm të ligës së parë Beira-Mar.

Ai luajti 11 ndeshje atje dhe shënoi dy gola. E para, më 2 shtator 2019, kundër Moreirense, është historike, pasi ai u bë i pari saudit që shënon në Evropë.

Pastaj u kthye në shtëpi. Para se të kthehej te Al-Hilal, ai kaloi pesë vjet në Al-Raed.

Al-Dawsari është edhe më besnik ndaj Al-Hilal, me të cilin fitoi katër kampionate, gjashtë kupa dhe dy Liga të Kampionëve të Azisë.

Gjatë triumfit të fundit atje (2021), ai u emërua MVP i kampionatit.

Ai kishte edhe një episod evropian, por edhe më të shkurtër se Al-Shehri. Në sezonin 2017/2018, si pjesë e marrëveshjes mes Federatës Saudite të Futbollit dhe La Ligës, ai erdhi si huazim te Villarreal, për të cilin luajti vetëm një ndeshje, kundër Real Madridit si zëvendësues.

Kundër Argjentinës luajti ndeshjen e 72-të për Arabinë Saudite dhe ka shënuar 18 gola.

Miren lo que pasó tras el gol de Salem Al-Dawsari ante Argentina

Ali Al-Bulaihi (5) buscó a Lionel Messi y le dijo unas cosas.

En el segundo tweet se ve mejor👇🏽pic.twitter.com/DrGLMRvgJa

— Raúl Zambrano Cabello (@RaulZambrano7) November 22, 2022

Ky nuk është goli i parë i Al-Dawsarit në Kupën e Botës. Katër vite më parë në Rusi, ai shënoi për të fituar ndaj Egjiptit. /Telegrafi/

Full Highlights & Goals #FIFAWorldcup
🇦🇷 Argentina 1-2 Saudi Arabia 🇸🇦
⚽️ ( Leo Messi 10'pen ~~ Saleh Al Shehri 48', Salem Al Dawsari 53')#PialaDunia2022#FIFAWorldCup2022#WorldCup#WorldCup2022#ARGKSApic.twitter.com/JTPmPkRiwP

— Cakwe Anbu 🦊👺🌵🥀 (@YareY4r3Daze) November 22, 2022