Robert Ibertsberger, do të jetë pjesë e stafit të Franco Fodës te Përfaqësuesja e Kosovës, duke qenë në pozitën e ndihmësit të përzgjedhësit.
Ibertsberger ka dhënë një intervistë për laola1.at ku ka thënë se Kosova ka shumë lojtarë interesant dhe shumë potencial.
Foda me stafin e tij do të debutojnë me “Dardanët” në ndeshjet me Armeninë dhe Hungarinë, që janë miqësore dhe zhvillohen në mars.
“Franco Foda dhe unë jemi në të njëjtën agjenci, kështu jemi bashkuar. Por ka edhe një lidhje tjetër, kemi luajtur bashkë në Sturm Graz. Ne patëm biseda të mira dhe Franco ishte në gjendje të kishte një ide të mirë për mua. Jemi në një valë”, u shpreh Ibertsberger.
Ibertsberger tregoi se edhe pse ka vendosur që të marrë këtë pozitë, duke folur edhe për nivelin e ekipit.
“Së pari, është hera ime e parë jashtë vendit si trajner. Së dyti, të kujdesemi për një ekip kombëtar. Nëse e shikoni më nga afër ekipin, është jashtëzakonisht emocionues për sa i përket lojtarëve individualë – ka lojtarë shumë interesantë, shumë të mirë. Tani është koha që të kemi një ide për lojtarët dhe për të gjetur një përzierje të mirë në mënyrë që skuadra të punojë në fushë. Cilësia është padyshim aty”, deklaroi ai.
Synimi i Ibertsberger dhe Foda me Kosovën
Ibertsberger theksoi se synimi me Dardanët është kualifikimi në Kampionatin Botëror, duke besuar shumë në kualitetin e ekipit.
“Ekipi dëshiron të ndërmarrë hapin tjetër, të ngjitet në një grup në Ligën e Kombeve dhe të ketë fjalën në kualifikimin e Kupës së Botës, ndoshta të arrijë në play-off. Mundësia ka padyshim. Siç thashë, ne kemi lojtarë të mirë individualë. Ndoshta dikush tjetër do të na bashkohet, ka shumë lojtarë që mund të zgjedhin mes dy vendeve. Ndoshta ne mund t’i bëjmë ata të vijnë në anën tonë”, deklaroi ai.
Ibertsberger e njeh mentalitetin ballkanas, ku gjërat janë shpesh shumë emocionale.
“Pikërisht kështu (qesh). Nëse mund të ndezim diçka, ajo bëhet vërtet pozitive dhe emocionale. Por sigurisht që mund të shkojë edhe në anën tjetër. Potenciali është aty, tani na takon ne trajnerëve dhe lojtarëve të ndezim euforinë”, përfundoi Ibertsberger.
Kush është Robert Ibertsberger?
Robert Ibertsberger është austriak dhe ka lindur më 20 janar 1977. Si futbollist ai ka luajtur mbrojtës me klube si Austria Salzburg, Venezia, Sturm Graz dhe Tirol Innsbruck, ndërsa ka tetë ndeshje me Kombëtaren e Austrisë.
Karrierën si trajner e ka nisur me moshat e reja te Red Bull Salzburg, para se të kalonte te SV Ried.
Ibertsberger u bë ndihmës trajner i Wolfsberger AC në 2017, ndërsa më pas ai u emërua trajneri i parë i Wolfsberg më 26 mars 2018 dhe ishte menaxher deri në fund të atij sezoni.
Pasi u largua nga Wolfsberg, ai ishte ndihmës te Austria Vjena, për tu bërë pastaj trajner i parë më vonë.
Inbertsberger ka drejtuar si trajner i parë në vitet e fundit klube si St. Polten dhe SV Reid. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Bayer Leverkusen e mbyll në epërsi ndaj Romës pjesën e parë
Real Madridi në fazën finale të rinovimit të stadiumit – skybar është pjesa më luksoze e “Santiago Bernabeut” të ri
Tri refuzimet që mori Bayern Munich – tani trajneri italian kthehet si opsioni i parë
Rreth tetë futbollistë të Liverpoolit do të largohen nga "Anfield Road" në fund të sezonit - në listë edhe emra të rëndësishëm
Erik ten Hag më në fund reagoi pas paraqitjes mahnitëse të Jadon Sancho në Ligën e Kampionëve
"Puzzle" i Decos: Sa ka para, kush mund të largohet dhe kush mund të vijë te Barcelona
Barcelona e hapur për të shitur yllin e madh të ekipit
Van Dijk te Borussia Dortmund? Fabrizio Romano jepet detaje për të ardhmen e holandezit
Ancelotti po mendon vendimin e befasishëm, ta lë në stol ndaj Bayernit njërin nga më meritorët e sukseseve këtë sezon
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit