Kush është Florijana Ismaili, futbollistja e vetme shqiptare që e përfaqëson Zvicrën

Kapitenia e Young Boys, Florijana Ismaili, është shpallur e zhdukur që nga e shtuna pasdite kur me një kolege të sajën kishin dalë për të lundruar dhe notuar në Liqenin Como në Itali.

Ndërkohë që ekipet e kërkim-shpëtimit janë në kërkim të saj, mësoni më shumë lidhur me jetën dhe karrierën e 24-vjeçares.

Lexo po ashtu Të gjitha lajmet për zhdukjen e Florijana Ismailit

Në përfaqësuesen e Zvicrës ka yje, si Ramona Bachmann dhe Lara Dickenmann, mirëpo për vite të tëra, Florijana ka qenë lojtarja e cila e ka bërë lojën në skuadër. Ajo u vlerësua shumë për potencialin e saj në vitin 2015 duke u përfshirë në Kampionatin Botëror në Kanada. Para Kampionatit Evropian të vitit 2017, mesfushorja ofensive i bëri të gjitha përgatitjet, mirëpo befasisht nuk i ftua nga ish-trajnerja Martina Voss-Tecklenburg për të qenë pjesë e turneut në Holandë.

View this post on Instagram

☺️⚽️ nationalteams_sfvasf #fürdiefamilie

A post shared by Florijana Ismaili (@_florij) on Jan 22, 2019 at 12:18pm PST

Pas kampionatit Evropian, Ismaili u rikthye në përfaqësuese, ku i ka regjistruar 33 ndeshje. Duke qenë një besimtare myslimane, ‘Flori’ është shprehur: “Lutem para secilës ndeshje. E kam marrë këtë si fëmijë nga shtëpia, është pjesë e imja. Feja më bën më të fortë. Lutem në zhveshtore, para secilës ndeshje”.

E lindur në Aarberg në Kantonin e Bernës dhe me origjinë nga Presheva, Floriana është shprehur shumë e lumtur, duke qenë se ishte futbollistja e vetme me rrënjë shqiptare që luante për Zvicrën. Një dallim i madh nga skuadra e meshkujve, e cila është dominuar nga lojtarë shqiptarë.

Florijana është quajtur “Xherdan Shaqiri i ekipit të femrave të Zvicrës”, sepse mund të luajë në fazën ofensive në krah, por edhe në pozitën e dhjetëshes. Dhe duke qenë shqiptare, ajo është krahasuar me Shaqirin.

View this post on Instagram

Glücklich ein Teil der Golden 11 17/18 zu sein! 🏆 Ebenso Stolz bin ich auf Marisa Wunderlin „Best Coach“ und Seraina Friedli „Best Goalkeeper“ die die Auszeichnung verdient haben! #comebackstrongerchamp Ich wünsche den Gewinnerinnen alles Gute und weiterhin viel Erfolg für die restlichen Spiele!⚽️ #goldeneleven #fürdiefamilie #fourinarow #bscyb

A post shared by Florijana Ismaili (@_florij) on Mar 14, 2019 at 4:28am PDT

Karrierën në futboll e nisi në moshën dhjetëvjeçare te FC Walperswil e frymëzuar nga babai i saj. Në moshën 16 vjeçare, Young Boys e vërejti talentin e saj dhe e përfshiu në skuadër, ku ka luajtur për ekipin e parë që nga viti 2011 duke qenë lojtarja kryesore.

Te Zvicra, megjithatë, ajo mbeti në rolin e ‘xhokerit’, sidomos për faktin se kishte refuzuar të luante në klubet jashtë Zvicrës. Megjithatë, asaj kurrë nuk i ka munguar potenciali. Krahas të qenit futbolliste, ajo ka punuar pjesërisht në një qendër fitnesi në Bernë.

Është lidhja e ngushtë që e ka me familjen, ajo që nuk e ka lejuar Florijanën të largohet nga Zvicra për të luajtur për klube tjera të mëdha. Kur është pyetur se çfarë do të bënte në rast se do të fitonte miliona, 24-vjeçarja është shprehur: Në radhë të parë, do të ndërtoja një shtëpi për prindërit e mi”.

Ndryshe, gjatë muajit qershor, Këshilli Kombëtar Shqiptar e shpalli atë ‘Ambasadore të Luginës’. njëherësh, ajo është edhe ambasadore e ‘Credit Suisse Cup’.

“KKSH me dhuroi Titullin Ambasadore e Luginës, edhe pse isha e vetmja femër, vendi im nuk më harroi! Falënderimi i takon z. Ragmi Mustafa dhe z.Enkel Rexhepi që më mundësoi ta kem një shenjë respekti nga Lugina. Nder i veçantë për këtë titull”, kishte shkruar futbollistja me këtë rast.

View this post on Instagram

Mit Freude und Stolz meinerseits überreichte mir der Verband KKSH den Titel „Ambassadorin/Botschafterin des Presheva-Tals“ – dies als erste weibliche Person. Für den Feminismus im Land ein kleiner Schritt in die richtige Richtung! „Selbst ist die Frau“ Der Mut darf nicht fehlen, wir können alles erreichen! Glaub an deine Ziele und kämpf für deine Träume!✊🏼 Ein grosses Dankeschön gebührt Herrn Ragmi Mustafa und Herrn Enkel Rexhepi, welche mir dieses Symbol der Ehre überreichten. Ein herzliches Dankeschön für diesen Ehrentitel. ____________________________________________________ KKSH me dhuroi Titullin Ambasadore e Lugines, edhe pse isha e vetmja femer, vendi im nuk me harroi! Falemiderimi i takon z. Ragmi Mustafa dhe z.Enkel Rexhepi qe me mundesoi ta kem nje shej rrespekti nga Lugina. Nder i veçant per kete titull. #fürdiefamilie #proud #fussballverbindet #whatahonor #roots

A post shared by Florijana Ismaili (@_florij) on Jun 18, 2019 at 1:38am PDT

Florijana Ismaili e kishte përfaqësuar Zvicrën edhe në grupmoshat U-17 dhe U-19, ndërsa për ekipin e parë debutoi më 16 janar 2014 në një ndeshje kundër Portugalisë. Vetëm dy javë më parë, ajo e kishte zhvilluar ndeshjen e fundit me përfaqësuesen.

Në total, 24-vjeçarja i ka zhvilluar 33 ndeshje për Zvicrën, ndërsa te Young Boys është kapitene. Në sezonin e kaluar kishte realizuar shtatë gola duke u bërë golashënuesja më e mirë në skuadër. /Telegrafi/