Një çift bashkëshortor nga Australia, pasi janë kthyer në shtëpi, kanë mbetur të befasuar kur e kanë gjetur në divan një koala.
Vicki Haines dhe Michelle, nuk kanë mundur t’i besojnë syve, kur e kanë parë kafshën simpatike, që rrinte e qetë dhe po kënaqej, transmeton Telegrafi.
“Po rrinte ulur në skaj të divanit, shumë afër makinës për freskim, ndërsa qeni vërtitej i tërbuar nga prania saj”, i ka thënë medieve Haines.
Ai nuk e di si ka arritur kjo krijesë të futej në shtëpi, meqenëse të gjitha dyert dhe dritaret ishin të mbyllura.
Mësohet se koalës ia kanë vënë një mikrochip, dhe e kanë lëshuar sërish në natyrë.
Ndryshe, këto krijesa janë shumë të buta dhe të shoqërueshme, por nëse ndihen të trembur i nxjerrin kthetrat e gjatë dhe grithin shumë keq. /Telegrafi/
13576838_10205357434170193_6384695852721423193_o.jpg
13620376_10205357434090191_6791029332491794057_n.jpg
