Kryetari Ivanov u takua me gjeneralin polak, Mjeçisllav Gocul

Presidenti i Republikës së Maqedonisë Gjorge Ivanov sot e priti kryeshefin e Shtatmadhorisë së Forcave të Armatosura të Republikës së Polonisë gjeneralin Mjeçisllav Gocul. Në takim, ashtu siç informojnë nga kabineti i presidentit, është biseduar për marrëdhëniet e përgjithshme bilaterale mes të dy vendeve, me ç’rast është shprehur kënaqësi nga bashkëpunimi i deritanishëm i shkëlqyer dhe mbajtja e dialogut në nivel të lartë në fushat nga interesi i përbashkët, veçanërisht në fushën e mbrojtjes, transmeton Telegrafi Maqedoni.

TV21 raporton se Ivanov veçanërisht ka theksuar përkrahjen aktive të deritanishme që Maqedonia e merr nga ana e Polonisë, e cila veçanërisht është shprehur në politikën e “dyerve të hapura të NATO-s”, me ç’rast shprehu pritje për vërtetimin e saj edhe në Samitin e ardhshëm të Aleancës që do të mbahet në Poloni muajin e ardhshëm.

Konstatimi i përbashkët i presidentit Ivanov dhe gjeneralit Gocul është se ekziston potencial për përforcimin e bashkëpunimit bilateral në fushën e mbrojtjes. Në atë kontekst të dy bashkëbiseduesit shprehën pritje për intensifikimin e bashkëpunimit mes armatave të të dy vendeve si bazë për angazhimin e përbashkët në periudhën në vijim, theksohet në kumtesën e kabinetit të presidentit.

Kryeshefi i Shtatmadhorisë së forcave të armatosura të Republikës së Polonisë gjenerali Mjeçisllav Gocul, gjithashtu, sot kishte takim me kryeshefin e SHM-së së ARM-së, gjeneral nënkolonelin Metodija Veliçkovski.

Ashtu siç informojnë nga ARM, në takimin dhe bisedat zyrtare para delegacionit përveç prezantimit të misionit të ARM-së, pjesëmarrja e misioneve paqësore të udhëhequr nga KB-ja, NATO-ja dhe BE-ja, aktivitetet të cilat ARM-ja i zbaton në ballafaqim me krizën migruese, është biseduar edhe për situatën aktuale të sigurisë në rajon, si dhe për mundësitë për intensifikim të bashkëpunimit ushtarak të ndërsjellë në shumë fusha të mbrojtjes, veçanërisht në kryerjen e trajnimit të përbashkët, pjesëmarrjen e trajnimeve dhe misioneve të njësive speciale të të dy armatave.

Në bisedimet gjenerali Veliçkovski mes tjerash veçanërisht e ka theksuar vlerën e këtij takimi para se gjithash nga aspekti i takimit të parë të mbajtur në nivel mes kryeshefave të shtatmadhorive të të dy armatave, e cila realizohet drejtpërdrejtë para mbajtjes së samitit të NATO-s në Varshavë dhe drejtpërdrejtë pas “Anakonda 2016” ku ARM-ja ka marrë pjesëm e shifër respektabile prej 157 anëtarëve të saj, citohet në kumtesën e ARM-së./Telegrafi/