Kovaçevski: Historia me “Ballkanin e Hapur” nuk ka përfunduar

Kryeministri i RMV-së, Dimitar Kovaçevski duke folur për iniciativën “Ballkani i Hapur” thotë se ajo nuk bie ndesh me procesin e Berlinit dhe se ka dalë nga tre shtete të rajonit.

“Historia me “Ballkanin e Hapur” nuk ka mbaruar. Ajo do të mbetet gjithmonë e hapur për të gjithë. Iniciativat maten më së miri me rezultate. Tregtia e jashtme midis Serbisë dhe Maqedonisë është rritur me 50%, dhe midis Shqipërisë dhe Maqedonisë me 40%. Shkëmbimi turistik nga Serbia në Maqedoninë e Veriut vitin e kaluar u rrit për 500% krahasuar me periudhën e kaluar. As Maqedonia dhe as Shqipëria nuk mund ta imagjinonin të kishin një stendë të vetme në stendën më të madhe të verërave në Itali. Është e mundur nëse shkoni bashkë”, tha Kovaçevski duke u përgjigjur në pyetjen e gazetarëve.

Ai tha se u përpoqën të bënin në procesin e Berlinit – njohjen e kuadrove shumë të kualifikuar, njohjen e diplomave dhe lëvizjen e lirë me karta identiteti, ne e bëmë në kuadër të “Ballkanit të Hapur” dhe tani do ta bëjmë përsëri.

“Rezultatet e “Ballkanit të Hapur” mbeten, ne do të punojmë për to sepse misioni i integrimit si imperativ nuk ka përfunduar. Procesi i Berlinit është një nismë më e gjerë dhe ne do të punojmë në të”, theksoi Kovaçevski në konferencën e përbashkët për shtyp me kolegun e tij nga Shqipëria, Edi Rama./Telegrafi/