Kosova për ndeshjen me Kroacinë mund ta ketë në portë Adis Nurkovicin.
Trajneri i njohur Bylbyl Sokoli nuk e sheh si portier me vlera, ndërsa ish-portieri i Përfaqësueses së Kosovës, Valmir Bytyqi, thotë se duhet të punohet më shumë me portier kosovar që të mos kemi nevojë për portieri nga jashtë. Të dy topin ia gjuajnë përzgjedhësit të Përfaqësueses, Albert Bunjaku.
30 vjeçari i lindur në Velika Kladusa të Bosnjës pritet të marr leje nga FIFA për të mbrojtur ngjyrat e Kosovës.
Ai është i martuar dhe gruaja e tij është nga Kosova, por ai në vendin tonë ka edhe nënën dhe njerkun e tij përmes të cilit FFK-ja e ka kontaktuar.
“Ishte një koincidencë e madhe. Jam martuar dhe gruaja ime është me origjinë nga Kosova. Ky vend është duke e formuar ekipin për kualifikimet e Kampionatit Botëror. Trajneri i Kosovës, Albert Bunjaki është duke e ndërtuar skuadrën dhe është në kërkim të portierëve. Ai i ka përcjellë disa nga ndeshjet e mia”, tregon portieri 30-vjeçar për agjencinë e lajmeve, “Anadolija”, transmeton Telegrafi.
“Atij i ka pëlqyer se si mbroj dhe më ka thënë se ka marrë informata të bollshme për mua. Më ka kontaktuar përmes njerkut tim që jeton në Kosovë dhe ka kërkuar të luaj për Kosovën, duke garantuar se do të kryhen të gjitha procedurat burokratike përmes Federatës së Futbollit të Kosovës”, vazhdoi portieri i NK Travnik që bënë gara në kategorinë e dytë të futbollit boshnjak.
Njëri nga portierët e tubuar së fundmi me Përfaqësuesen e Kosovës, Flamur Neziri i Feronikelit ose Granit Kolshi i Besës mund të mbeten pa vend.
Sokoli: Nëse ftesa është bërë për poena politikë është katastrofale
Përzgjedhësi i parë i Kosovës pas luftës, Bylbyl Sokoli, ka thënë se ftesa e portierit nuk duhet të shikohet nga këndi i nacionalitet, por nëse kjo është bërë për poena politik është një gjë katastrofike.
“Nuk duhet shikuar prej atij këndi (nacionalitetit). Megjithatë, mendoj që është çështje ekskluzive e përzgjedhësit të përfaqësueses ftesa e tij. Përgjegjësia është e vetëm e tij”, deklaroi Bylbyl Sokoli për Telegrafin.
“Meqenëse mbron në ligën e dytë të Bosnjës nuk mendoj se është ndonjë portier i nivelit të lartë, por nëse është ftesa e tij për poena politikë atëherë kjo është katastrofale”, përfundoi ish-përzgjedhësi i Përfaqësueses.
Bytyqi: Kemi portierë të mirë, duhet ta rrisim nivelin
“Në përgjithësi mendoj që Kosova ka potencial të prodhoj portierë për përfaqësuesen, por duhet te shtohet volumi i punës më portier dhe mënyra e punës me ta nëpër klube, edhe pse ka ekipe që punojnë mirë me portierë”, ka deklaruar Bytyqi për Telegrafin.
“Në anën tjetër mendoj që nuk ka qenë shumë e nevojshme ardhja e portierit boshnjak edhe pse nuk e njoh, por me vet faktin që luan në Bosnje e jo në një ligë të fortë atëherë konsideroj që më mirë do të ishte të fokusohemi në një portier kosovar e që do të punojë më të me volum shumë më të shtuar duke ndihmuar edhe vet trajneri i portierëve të përfaqësueses tonë”.
“E gjithë kjo që ta kemi një portier rezervë të denjë, sepse mendoj që portierin e parë e kemi si një prej pikave më të forta. E kam fjalën për Samirin. Megjithatë, duhet ta respektojmë mendimin e selektorit dhe unë shpresoj që ka marr portier që bën diferencën”, ka përfunduar portieri i Besës së Pejës.
Telegrafi ka provuar të kontaktoj edhe me Flamur Nezirin, por ku i fundit ka hezituar t’i përgjigjet pyjeve në lidhje me portierin Nurkovic. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Peceta e nënshkruar për kalimin e Leo Messit te Barcelona si 13 vjeçar u shit për 888 mijë euro
Mbahen matjet zyrtare para meçit mes Fury dhe Usyk, këto ishin peshat e kampionëve të boksit
Tuchel njofton se nuk ka marrëveshje me Bayern Munich, kthehet interesimi për trajnerin italian
Juventusi tregon në njoftimin e tyre arsyet pse e shkarkuan Max Allegrin
Kylian Mbappe i ka vendosur vetes dy objektiva te Real Madridi
Carlo Ancelotti i ka kërkuar Real Madridit transferimin e yllit të Arsenalit në verë
Zvicra publikon listën preliminare për Euro 2024, mes tyre gjashtë shqiptarë
Tre kandidatët favorit që po përfliten si zëvendësues të Xavit tek Barcelona
“Mund ta konfirmoj se do të jem trajner i Liverpoolit” - Arne Slot jep lajmin e madh në konferencë për shtyp
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë