LAJMI I FUNDIT:

KosLift ka hapur aplikimet për trajnime online falas për studentët e UP-së dhe RIT Kosovë

KosLift ka hapur aplikimet për trajnime online falas për studentët e UP-së dhe RIT Kosovë

KosLift është një projekt i financuar nga Ambasada Norvegjeze dhe implementohet nga IPKO Foundation dhe partneri i saj RIT Kosovë (A.U.K). KosLift ka për qëllim të mbështesë deri në 1000 student të Universitetit të Prishtinës dhe RIT Kosovë (A.U.K), si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon.

KosLIFT do të rekrutojë dhe trajnojë studentët në shkathtësi të nevojshme dhe të kërkuara nga tregu i punës sikurse menaxhim, mendim kritik, programim, aftësi të buta dhe të tjera, duke i përgatitur ata për punësim të mundshëm dhe duke krijuar një fuqi punëtorë më të aftë.

KosLift përbëhet nga 3 komponente kryesore: (1) Trajnimet Online, (2) Trajnimet Profesionale ne Laboratorin për Zhvillim dhe Hulumtim dhe (3) Sfidat e Dizajnit

Trajnimet tona janë të dizajnuara si një koncept garues, ku studentet më të suksesshëm do të kenë mundësinë qe të zhvillojnë kapacitet e tyre profesinale duke u bërë pjesë e punëtorive rigoroze në Laboratorin për Hulumtim dhe Zhvillim në RIT Kosovë (A.U.K)..

(1) Në trajnimet online, të rinjtë pas rekrutimit kalojnë në një seri trajnimesh thelbësore për teknikat e zhvillimit e hulumtimit. Studentët më të suksesshëm do të kenë mundësi që të vazhdojnë tutje me komponentët tjerë te projektit sikurse: Laboratori për Zhvillim dhe Hulumtim dhe Sfidat e Dizajnit

(2) Laboratori për Hulumtim dhe Zhvillim do të funksionojë si “makerspace” për student, duke krijuar një ambient pune ku studentët nga cilado disiplinë do të kenë mundësinë të krijojnë produkte të bazuara në konceptet e tyre inovative.

(3) Studentët që përfundojnë me sukses klasat, do të kenë mundësi të përdorin laboratorin e H&ZH për të krijuar prototipe dhe produkte për bizneset Kosovare, dhe do të kenë mundësi të fitojnë 2,000 EURO për zhvillimin e idesë. Përmes Sfidave të Dizajnit (krijimi i produkteve dhe shërbimeve) “intrapreneurships”, angazhimeve në konsultime dhe Panaire të Dizajnit, studentë me zgjidhjen më të mirë do të fitojnë punë praktike me pagesë në kompaninë përkatëse.

Aplikimi për KosLift është i hapur deri më 31.01.2019. /Telegrafi/