LAJMI I FUNDIT:

Konferenca vjetore e Google I/O do të fillojë më 10 maj

Konferenca vjetore e Google I/O do të fillojë më 10 maj

Google ka njoftuar se konferenca e saj vjetore I/O do të fillojë më 10 maj. Kompania thotë se do të “transmetohet përpara një audiencë të kufizuar të drejtpërdrejtë dhe është e hapur për të gjithë në internet”.

Këtë vit, pritshmëritë më të mëdha sillen rreth të gjithë teknologjisë së inteligjencës artificiale që Google po zhvillon.

Priten lajme për Bard, sikurse versioni që ka OpenAI me ChatGPT si dhe produkte të tjera për të gjeneruar imazhe, për të shkruar kode për aplikacione ose për të testuar prototipet e produkteve.

Konferenca është zakonisht ajo ku ne do të marrim informacione për versionin e ardhshëm të Android – të cilin Google e ka paraqitur tashmë për zhvilluesit – si dhe ku do të shohim njoftime të ndryshme harduerike.

Android dhe Chrome tani funksionojnë në ekrane të të gjitha madhësive, nga kyçet e duarve te televizori dhe gjithçka tjetër në mes, kështu që ka shumë vend për spekulime. /Telegrafi/