Koncertet live në Britani këtë verë do të mbahen – fansat do të kenë mundësinë të ndjekin shfaqjen nga veturat e tyre

Muzika live do të rikthehet në Mbretërinë e Bashkuar këtë verë pasi firma më e madhe botërore e koncerteve planifikon të mbajë koncerte të distancuara shoqërore, mëson The Sun.

Gjigandi i eventeve “Live Nation” sot po zbulon SE një seri ngjarjesh të stilit festiv në Britani do të organizohen.

Fansat e muzikës do të jenë në gjendje të marrin pjesë me vetura në vendet e krijuara posaçërisht për të parë një mori shfaqjesh midis korrikut dhe shtatorit.

Shfaqjet do të jenë koncertet e para live pasi rregullat e bllokimit hynë në fuqi gjatë muajit mars – dhe do të ofrojnë një nxitje të nevojshme në mënyrë të dëshpëruar për industrinë, e cila mbështet mijëra punëtorë.

Ky vendim shënon gjithashtu një hap të ri të madh në përpjekjen e Britanisë për të kërcyer ekonomikisht nga kriza COVID-19, së bashku me një shkëlqim të mirëpritur të eksitimit për fansat e dëshpëruar që duan të shohin këngëtarët e tyre të preferuar të performojnë përsëri.

Mediumi britanik “The Sun” ka zbuluar detaje se si fansat e muzikës mund të blejnë bileta të cilat do t’u lejojnë atyre të marrin pjesë në koncert me veturat e tyre, para se të parkojnë në hapësirën e tyre të sigurt nga ku ata mund të shijojnë koncertin.

Një mori këngëtarësh të zhanrit pop, përfshirë emrat e njohur si: Rita Ora, Little Mix dhe Jess Glynne, janë në diskutime për t’u bashkuar me formacionin veror të këtyre koncerteve që do të mbahen në këtë formë.

Grafikat e krijuara nga kompjuteri zbulojnë se si veturat do të përdoren në pika të caktuara në vende të caktuara, me lehtësira ushqimore dhe pije gjithashtu të vendosura për të përfunduar përvojën e koncertit.

Këngëtari Gary Numan, i njohur për hitin e tij “Cars”, është në mesin e interpretuesve tashmë të regjistruar që do të performojë në këtë lloj koncertesh.

Ai tha: “Kjo është një ide kaq unike dhe inovative – dhe thelbësisht është pikërisht ajo që i duhet biznesit të muzikës tani.

“Për shumicën e muzikantëve shfaqjet live janë një pjesë e madhe e të ardhurave për ta. Për mua është rreth dy të tretat”, tha ai.

“Dhe nëse nuk jeni Ed Sheeran, gjë që unë nuk jam, interpretuesit nuk mbështeten vetëm në shitjet e albumeve dhe prurjeve muzikore”, shtoi më tej Gary.

Ai tha se nuk janë vetëm interpretuesit që nuk kanë qenë në gjendje të punojnë, pasi muzika live është një industri masive që mbështet mijëra punëtorë. /Telegrafi/