Komisioni Hetimor për Energjinë nuk e voton listën e dëshmitarëve, Beqa: Kurti le t’i sjellë Thaçin e Veselin nga Haga në komision
Edhe këtë herë mes përplasjesh pozitë dhe opozitë nuk është votuar lista e dëshmitarëve që do të ftohen për intervistim në Komisionin Hetimor Parlamentar për dyshimet rreth keqmenaxhimit me energjinë 2006-2022.
Deputeti Armend Muja i ka propozuar emrat e bartësve të institucioneve që kanë qenë në pozita të ndryshme vendimmarrëse gjatë atyre periudhave, por kjo është kundërshtuar nga deputetët e opozitës.
“Ne propozojmë që të ftohet Arben Xhukaj, Justina Pulaj- Shiroka, Ahmet Shala, Lorik Fejzullahu, Bedri Hamza, Ali Hamiti ish-kryesues i bordit të ZRRE-së, Fadil Çitaku, Faton Dega, Teuta Beselica, Bernand Atlant – këshilltar i transaksionit në lidhje me vendimmarrjen e ZRRE-së humbjet teknike dhe marrëveshjen me KEDS në atë kohë. Po flitet për privatizim po flasim për fazën e post privatizimit, e kërkojmë Fllanza Hoxha, Berat Rukiqi, kryesues i bordit të KEK-ut në atë kohë”, ka thënë Muja.
Këtë propozim e ka kundërshtuar deputeti Armend Zemaj nga LDK-ja , i cili ka kërkuar rishikimin e listës.
“Unë ju kisha lutur ta shqyrtoni edhe njëherë saktë listën. Nuk mund të miratohet lista pa pozicione të njerëzve. D.m.th. cila është ndërlidhja e tyre në këtë proces, sepse për disa u thanë për disa nuk u thanë, nuk u potencua vendimmarrja… Ne mund të fillojmë ad-hock në kuptimin e intervistuesve, sesa të fusim emra të përveçëm, të bëjmë teori konspiracioni, të bëjmë lajme me emra politikë edhe administrativë” ka thënë Zemaj.
Mefail Bajqinovci nga LVV-ja ka thënë se duhet të punohet më shumë meqë tash e dy muaj nuk ka zgjidhje për këta emra në votim.
“Unë mendoj që nuk bën, por duhet të fillojmë ta gjejmë një zgjidhje dhe të fillojmë me vite nëse doni, por të mos pengohemi se po i bie që po pengohet një komision hetimor”, ka thënë Bajqinovci.
Time Kadrijaj nga AKK-ja ka shtuar se deputetët e LVV-së po e kthejnë në pikën zero këtë komision.
“Kur të fillojmë prej dikujt duhet që të fillojmë nga viti 2006, pastaj të shkojmë me vit pas viti, por nëse niset nga një temë që ka qenë ndoshta mes viteve 2011 a 2012, ne prapë po mbesim në pikën zero”, tha Kadrijaj.
Rrezarta Krasniqi nga LDK-ja ka kërkuar të largohen nga lista të vdekurit dhe ata të cilët janë në Hagë.
“Ata emra që janë në Hagë dhe personat që kanë vdekur, duhet larguar dhe të votohet kjo listë”, tha Krasniqi
Deputeti nga radhët e PDK-së Rashit Qalaj ka kërkuar të thirret edhe Haki Abazi si dëshmitar.
“E kam një emër konkret që lidhet me atë kundërshtimin e Contra Globalit që ka qenë përpara Haki Abazi”, tha Qalaj.
Por Arbër Rexhaj nga LVV kërkoi që nga lista të mos largohen Hashim Thaçi dhe Kadri Veseli të cilët janë në Hagë.
“Të shtohet Hashim Thaçi dhe Kadri Veseli”, tha Rexhaj
Deputeti Hajdar Beqa i PDK-së tha se propozimi i Rexhajt nga VV-ja është në kundërshtim me mandatin e komisionit.
“Nëse Rexhaj e bind kryeministrin Kurti që ta bëjë një zotim me shkrim që garanton se Thaçi dhe Veseli mund të marrin pjesë në këtë komision, ne do t’i votojmë. Por, kjo çka po thotë Rexhaj është në kundërshtim me mandatin e komisionit dhe i bie se nuk dëshirojmë të kemi raport përfundimtar… Unë e kisha përfunduar mbledhjen edhe shihemi në mbledhje të radhës”, tha Beqaj.
Pas këtij debati komisioni hetimor ka shkuar në pauzë ku më pas opozita e ka lëshuar mbledhjen duke mos ua mundësuar kuorumin për votimin e listës duke e shtyrë për një fazë tjetër. /kp/Telegrafi/
Lufta Prigozhin - Putin
Më shumëNga Rubrika
30 vjet në shërbim të edukimit dhe të kulturës: Shtëpia botuese “Dukagjini” ju uron Ditën Botërore të Librit
Si i përdorin aplikacionet për konsum gjeneratat e reja në Kosovë?
Nesër mbahet shitja e 65-të aseteve e Agjencisë Kosovare të Privatizimit
Agjencia e Ushqimit del me sqarime lidhur me cilësinë e mishit në Kosovë
Fitoni dhurata ekskluzive nga Samsung në foleja.com
3, 2, 1 - Volvo gati për ty!
Veç thuj ej, EI Taxi është knej
Gjykata Komerciale e hedh poshtë propozimin për pezullim të procedurës përmbarimore ndaj Telekomit
Kush t’rahaton me punë përveçse Telegrafi Jobs?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj