Komediani Florjan Binaj tregon se si po i ecën ditët në karantinë pasi rezultoi pozitiv me COVID-19

Komediani Florjan Binaj vetëm pak ditë më parë bëri të ditur se ka rezultuar pozitiv me COVID-19.

Ai ka treguar se është vetë-izoluar në shtëpinë e tij, ndërsa përmes rrjeteve sociale po mban të azhurnuar fansat për më të rejat.

I njëjti së fundmi ka publikuar një video të një qeni në InstaStory duke treguar se të shumtën e kohës po e kalon në gjumë.

“Të 7-tat e karantinës”, ka shkruar ai krahas postimit.

Humoristi i njohur në një intervistë të dhënë së fundmi njoftoi se gjendja e tij shëndetësore është e mirë dhe nuk ka asnjë lloj simptome.

“Gjendja ime shëndetësore është shumë e mirë siç edhe mund ta shihni. Nuk kam asnjë lloj simptome, as kollë, as temperaturë, as mungesë nuhatje dhe as mungesë në shije. Hyj tek asimptomatikët, thjesht duhet të bëj 10 ditëshin e ushtrisë, dënimin për krim të pa kryer, arrest shtëpie”, ka thënë aktori në një lidhje në Skype në emisionin “Open” të Top Channel.

View this post on Instagram

Jam aq pozitiv si tip saqe dola pozitiv edhe me covid-19😅 Të dashur ndjekës, fansa, miq dhe mikesha, pas nje testimi rutin, fati donte që unë të qëlloja i prekur nga virusi Covid-19.U vetëizolova që para testimit dhe do qëndrojë në izolim si gjithë të tjerët deri nē pērfundim të krantinës.Fatmirsisht nuk kam asnje simptomë dhe asnjë shqetsim dhe gëzoj shëndet të plotë.Mendova t’jua them vetë të vërtetën sesa ta lexoni nga portalet që për ndonjë klikim janē të gatshëm të shkruajnë çdo gjë! Mē vjen keq që do mungoj këto 2 javët e fundit të sezonit të Portokallisë por skam ç’bëj… Dhe për të gjithë ata që më pyesin: ku e more?-i them, e mora në Gjermani por km i ka origjinale të vetat!😂 Shëndet të gjithëve!

A post shared by FLORJAN (@florjanbinaj) on Jun 18, 2020 at 9:32am PDT

Binaj po ashtu rrëfeu se dyshoi se ishte me coronavirus pasi kishte pak temperaturë gjatë një dite qëndrimi në plazh.

“Bëra tamponin e famshëm. Unë nuk kuptova asgjë, thjesh bëra tamponin pa pasur shenja. Javës që shkoi pata pak temperaturë sepse shkova në plazh dhe nuk kisha marrë xhup me vete. Dhe kisha ftohtë si gjithë njerëzit e tjerë, me mëngë të shkurtra natën. Kisha pak temperaturë dhe fillova u bëra pak merak se nuk është se jemi në periudha të qeta. Për hir të familjes dhe punës duhet ta bëja testin. E bëra dhe prita përgjigjen me qetësinë më të madhe. Kur mora përgjigjen në 7 të mëngjesit më thanë fatkeqësisht. U shqetësova sepse nuk e prisja, por jam i qetë sepse kam mungesë të simptomave. Po e kaloj shumë kollaj, organizmi po tallet në një farë mënyre”, tha mes të tjerash Binaj.

View this post on Instagram

Sot do jem në Portokalli por me skype bashkë me Mirin dhe Sharësin!😊

A post shared by FLORJAN (@florjanbinaj) on Jun 21, 2020 at 10:43am PDT