Kolla është e fortë dhe keni ndjenjën sikur fëmija do t’ju ngufatet: Si t’i dalloni në kohë simptomat dhe ta shëroni
Laringiti virusal, një sëmundje e shpeshtë te fëmijët e vegjël, ka simptoma të forta specifike të cilat shpesh mund t’i brengosin prindërit
Laringiti virusal është i njohur me emrin difterit, shpesh është sëmundje e cila shfaqet më shpesh te fëmijët e moshës gjashtëmuajshe deri në moshën trevjeçare, posaçërisht në periudhën e sezonit të viruseve (herët në pranverë, vjeshtë, posaçërisht në dimër).
Si edhe pothuajse çdo virus, edhe kjo sëmundje shfaqet papritur, e shoqërojnë frymëmarrja e vështirësuar dhe kolla e ngjirur që rikujtojnë ulërimën e qenit që kryesisht shfaqet gjatë natës.
Fëmija zgjohet nga gjumi, me një tingull shqetësuar, i cili del nga organet e frymëmarrjes dhe fillon të qajë, gjë që përkeqëson edhe më shumë kollën, transmeton Telegrafi.
Laringiti virusal mund të shoqërohet edhe me temperaturë. Shpesh i paraprijnë teshtitja dhe sekretimi i hundës. Nëse shkaku është ndonjë alergji, teshtitje mund të mos ketë. Ngjirja e zërit, kolla, vështirësia në gëlltitje dhe frymëmarrje janë tregues se ka inflamacion laringu. Organet e frymëmarrjes te fëmijët janë më të vogla dhe më të ngushta se te të rriturit, kurse infeksioni mund të ndikojë në funksionalitetin e tyre. Ënjtja zvogëlon kalueshmërinë e laringut, gjë që vështirëson qarkullimin e ajrit dhe çon në frymëmarrje më të rënduar.
Në pozitën e shtrirë është më e theksuar se kur fëmija qëndron ulur apo në këmbë.
Nëse fëmijës përkeqësohet gjendja gjatë natës, ka mënyra se si mund ta qetësoni dhe t’ia qetësoni kollën, në mënyrë që në qetësi ta prisni mëngjesin dhe të vlerësoni a është e nevojshme të shkohet te mjeku. Lëshojeni ujin e nxehtë në banjë për të krijuar avull. Më pas fëmija duhet të futet në banjë dhe të lihet të marrë frymë të ngrohtë për disa minuta. Më pas këshillohet ekspozimi në ajër të pastër. Fëmija duhet të ulet pranë një dritareje të hapur dhe të thithë ajrin më të freskët për rreth gjysmë minutë. Një ndryshim i papritur i temperaturës dhe lagështisë zakonisht qetëson irritimin dhe sjell lehtësim, pas së cilës duhet të shkoni te pediatri.
Trajtimi i laringitit
Si pothuajse çdo sëmundje virale, me pushim dhe hidratim të shpeshtë, fëmija mund të shërohet shpejt. Rekomandohen sa më shpesh çaji dhe supat e ngrohta, si dhe të folurit me zë të theksuar. Megjithatë, nëse simptomat përkeqësohen, kolla e acaron shumë fëmijën dhe shfaqet një temperaturë e lartë, atëherë është më e sigurt që ta çoni fëmijën te pediatri.
Inhalimi jep rezultate jashtëzakonisht të shpejta sepse ilaçi aplikohet direkt në zonën e prekur, d.m.th. fëmija do ta thithë atë përmes inhalimit. Duke pasur parasysh se në shumicën e infeksioneve të frymëmarrjes mukoza është e irrituar, thithja me pantenol ose tretësirë fiziologjike mund të jetë e dobishme në momentin e parë. Megjithatë, edhe pse laringiti në shumicën e rasteve trajtohet me sukses me inhalacion, është e nevojshme të çoni fëmijën te mjeku. Ka sëmundje të tjera të organeve të frymëmarrjes me simptoma shumë të ngjashme që kërkojnë trajtim krejtësisht të ndryshëm. Mjeku do të bëjë një diagnozë dhe do të përshkruajë terapinë e duhur.
Nëse nuk trajtohet, laringiti akut mund të bëhet kronik, ndaj është e rëndësishme t’i qaseni trajtimit me përgjegjësi. Përveç inhalimit, mjeku mund të përshkruajë terapi me antibiotikë, produkte me bazë kortikosteroide, si dhe terapi me oksigjen. Zgjedhja e barnave varet nga mosha e fëmijës.
Forma më e rrezikshme e laringitit tek fëmijët shkaktohet nga bakteri Haemophilus influenzae, por fëmijët mbrohen pas marrjes së vaksinës HiB (rreth muajit të tretë). Bakteri mund të shkaktojë meningjit, otitis, pneumoni dhe të tjera, por është shumë e rrallë, sepse pothuajse të gjitha vendet e kanë përfshirë këtë vaksinë në kalendarin e vaksinimit.
Duke qenë se laringiti, si çdo virus, është ngjitës dhe transmetohet nëpërmjet pikave, për të reduktuar mundësinë që fëmija të infektohet, është e rëndësishme që ai të kalojë sa më shumë kohë në ajër të pastër, si dhe të ushqehet shëndetshëm dhe rregullisht. ruajtja e higjienës së duarve. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia