KOK dhe FBOXK i reagojnë AIBA-s: Shpalleni Donjetën “Kampione nderi” dhe garantojani ftesën për LO Tokyo 2020
Presidenti i Komitetit Olimpik të Kosovës, Besim Hasani dhe presidenti i Federatës së Boksit të Kosovës, Ramadan Selimi, i kanë reaguar Federatës Ndërkombëtare të Boksit (AIBA), me rastin e diskriminimit të boksieres tonë, Donjeta Sadiku, të cilës iu mohua pjesëmarrja në kampionatin botëror, që po mbahet në Indi.
Sadikut dhe ekipit të saj nuk iu dha viza hyrëse nga Qeveria e Indisë, pavarësisht se ajo kishte pasaportë të Shqipërisë, me arsyetimin se India nuk e njeh shtetin e Kosovës.
“Nëse vërtetë Presidenti i AIBA-s dhe EUBC-së janë ndier vërtetë të dëshpëruar, është koha tani të shpallin këtë kampionat botëror të pavlefshëm”, thuhet në fillim të letrës së KOK dhe FBOXK.
Në letrën dërguar AIBA-s iu kujtohet mosdhënia e vizës për Donjetën edhe një vit më parë në botërorin e junioreve, që u mbajt pikërisht në Indi. Dallimi ishte se herën e parë ajo posedonte vetëm pasaportën e Kosovës, e cila u dha arsye nga Qeveria e Indisë, ndërsa tani ajo ishte e pajisur me pasaportën e Shqipërisë.
“Nëse vërtetë mendoni se ‘politika dhe sporti nuk duhet të përzihen në asnjë mënyrë’, pse nuk reaguat në mënyrë të njëjtë disa vjet më parë gjatë kampionatit botëror në Armeni, kur Qeveria e Armenisë ndaloi hyrjen e delegacionit të Kosovës në Armeni? Vetëm kur AIBA i tregoi kryeministrit të Armenisë se kampionati botëror nuk do të hapet pa delegacionin e Kosovës, i pari i Qeverisë dha urdhër për të lejuar hyrjen e delegacionit të boksit të Kosovës në Armeni, pas më shumë se 30 orë pritje në zonë neutrale!”, thuhet tutje në reagim.
“Për herë të dytë brenda një viti top boksierja jonë, Donjeta Sadiku, me nivel ndërkombëtar dhe ambicie për të fituar titullin e botës, u diskriminua nga India, ndërsa AIBA vetëm ‘shikoi’ se si ‘fëmija’ i tyre u diskriminua. Nëse e konsideroni Donjetën si anëtare, ju duhet ta trajtoni ekzaktësisht si vajzën tuaj dhe duhet të reagoni ashtu si ju kërkon lidershipi”.
“Nëse jeni të shqetësuar thellësisht dhe nëse e besoni thellësisht se asnjë boksier nuk duhet të ndikohet nga vendimet politike, përderisa provojnë të arrijnë ëndrrën e garimit në nivel ndërkombëtar, ju duhet ta shpallni Donjetën “Kampione nderi në botë për vitin 2018”, për të dyja kampionatet në Indi. AIBA duhet t’i garantojë ftesën e saj për Lojërat Olimpike Tokyo 2020, sepse AIBA nuk arriti të garantojnë mundësinë e saj të barabartë në dy kampionate botërore. Ju e dini se Donjeta është nënkampione e botës dhe nënkampione e Evropës për juniorë!”
AIBA reagoi ditë më parë, duke shprehur dëshpërimin me mospjesëmarrjen e Donjeta Sadikut në botërorin e Indisë, duke shprehur edhe kërkim falje për Federatën e Boksit të Kosovës, gjë që sipas KOK dhe FBOXK, vetëm një deklarim i tillë nuk mjafton.
KOK dhe FBOXK kanë renditur edhe disa kërkesa për AIBA-n:
– Të shpallë të pavlefshme kampionatin botëror të boksit në Indi, sepse të drejtat e njeriut dhe vlerat tjera janë prishur.
– Deklarimi i Donjeta Sadikut ‘Kampione Nderi’ për të dyja Kampionatet në Indi i tregon botës se AIBA do të mbrojt të gjithë anëtarët e saj përfshirë ede ata nga vendet e vogla (Donjeta është femër dhe i takon Kosovës me 1.7 milionë banorë)
– Të shpallet Donjeta Sadiku ‘Kampione Nderi’ për të dyja kampionatet botërore në Indi dhe tregon se Inda pavarësisht sjelljes së Qeverisë së Indisë, AIBA do të respektojë femrat dhe do të sigurojë drejtësi dhe tretman korrekt me të gjithë anëtarët e familjes së boksit botëror, dhe nuk do të jetë pjesë e fuqisë së madhe për të lënë të ‘vegjëlit’ të pambrojtur.
– Të shpallet Donjeta “Simbol i drejtësisë” dhe të jetë boksierja e fundit e AIBA-s, që ka qenë viktimë e diskriminimit nga kushdo!”, thuhet ndër të tjera në letër.
Lufta Prigozhin - Putin
Më shumëNga Rubrika
Një rast identik si ai i Yamal ka ndodhur edhe në Ligën Premier – por a u pranua goli?
Arteta dhe Pochettino startojnë me më të mirët në dispozicion: Arsenal – Chelsea, formacionet zyrtare
Zlatan Ibrahimovic ia rekomandon legjendën holandeze Milanit për trajner të ri
Real Madrid TV sulmon gjyqtarët e El Clasicos, pretendon se një nga golat e Barcelonës nuk ishte e rregullt
Edhe po të shënonte Yamal, sërish Barcelonës nuk do t'i pranohej goli - mediumi spanjoll sqaron skenarin
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Man City dhe Arsenali në ‘luftë’ me njëra-tjetrën për shërbimet e sensacionit të Ligës Premier
Capello zgjedh katër gjeni të futbollit, nuk e përfshin Ronaldon
"90 për qind e gjyqtarëve anojnë nga Real Madridi", rikthehet deklarata e ish-gjyqtarit të La Ligës pas El Clasicos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj