Kim Kardashian kombinon ngjyrat e veshjes me të bijën North West, duket magjepsëse në fustan të shkurtër

Kim Kardashian hyri në Instagram të mërkurën (28 shtator) për të ndarë disa foto me stil përkrah vajzës së saj North West.

Ylli 41 vjeç, shfaqi linjat e saj me një fustan të zi të shkurtër dhe dukej si gjithmonë e mahnitshme, ndërsa u pa në një dalje me vajzën nëntë vjeçare.

“Një dyshe”, ka shkruar nëna krenare e katër fëmijëve në postimin, i cili mori mijëra pëlqime në vetëm pak orë.

Themeluesja e “Skims” e kombinoi ‘look’-un me çorape të zeza, taka dhe një pallto të përmasave të mëdha.

Bukuroshja la flokët e saj të zbardhura prej platini në një stil unik, me disa fije të mbetura jashtë për të kornizuar fytyrën e saj.

Kim kishte një fytyrë plot shkëlqim që përfshinte qerpikë më të mëdhenj, një nuancë rozë dhe një buzëkuq nudo.

Ndërkohë North u koordinua me nënën e saj, e veshur e tëra në të zeza teksa mbante edhe syze dielli.

Në një foto dyshja nënë e bijë shiheshin së bashku duke dalë nga një hotel, ndërsa në një tjetër ata pozuan në pjesën e pasme të makinës së tyre.

Kim gjithashtu tregoi veshjen e saj në dy poza solo nga brenda një ashensori.

Kjo vjen pasi episodi i dytë i sezonit të ri të “The Kardashians” u transmetua në Hulu të mërkurën. Në episodin Kim u pa duke diskutuar me motrën e saj Khloe, mbi humbjen e saj në peshë.

Kim i tha Khloe se familja e saj është e shqetësuar se ajo po humbet shumë peshë për shkak të stresit për skandalin e mashtrimit të Tristan Thompson.

“Dukesh shumë e dobët. Unë do të them që Kendall dhe Kylie – jo se po përpiqem t’i largoj – por ata më dërguan mesazhe dhe më thanë se ishin pak të shqetësuar për ty, sepse ti je vërtet dobët”, i tha Kim.

Khloe hodhi gjithashtu një bombë tjetër që nuk i tha kurrë familjes së saj se Tristan në fakt i propozoi asaj, por ajo e refuzoi atë dhe madje nuk ia tha askujt të familjes lajmin. /Telegrafi/