Khloe Kardashian është duke mësuar nga nëna e saj Kris Jenner, se si të përballojë tradhtinë famëkeqe nga Tristan Thompson

Në fillim të këtij muaji, Tristan Thompson konfirmoi se atij i lindi një fëmijë – një djalë – me Maralee Nichols pasi mori rezultatet e testit të atësisë.

Dhe disa javë pas njoftimit të tij dhe faljes publike ndaj saj, Khloe Kardashian, 37 vjeçe, ka gjetur mbështetjen te nëna e saj, Kris Jenner, 66 vjeçe, shkruan DailyMail.

“Përkundër faktit se është skandali i tretë i mashtrimit publik i shkaktuar nga 30-vjeçari Tristan, Khloe është me të vërtetë duke u përpjekur dhe luftuar”, tha një burim për Revistën People.

“Ajo është duke u mbështetur shumë te Kris gjatë gjithë kohës. Por Kris dëshiron që Khloe dhe Tristan të jenë në një vend të mirë, kështu që ajo po e inkurajon Khloen që të mbajë linjat e komunikimit të hapura”, tha burimi.

“Khloe është vërtet duke luftuar me atë që po ndodh me Tristanin. Këtë herë që ai ka qenë i pabesë, ka qenë një rast shumë më i vështirë se herët e mëparshme”, shtoi burimi.

“Ajo me të vërtetë dëshiron që marrëdhënia të funksionojë dhe ajo është shkatërruar”, thekoi burimi pranë çiftit.

Khloe dhe Tristan, të cilët kanë së bashku një vajzë trevjeçare të quajtur True, ishin në një lidhje në mars të vitit 2021, kur ai u nisi një fëmijë me Maralee.

Ata u ndanë më vonë në qershor.

“[Khloe] donte një jetë përrallore me të dhe ajo është shumë e mërzitur”, tha burimi: “Njerëzit përreth saj kurrë nuk e kanë parë atë kaq të dëshpëruar dhe janë kaq mirënjohës që ka nënën e saj atje, e cila ka lënë anash edhe veten e saj për të”, vuri në dukje burimi.

Përveç djalit të tij të porsalindur dhe vajzës trevjeçare True me Khloe, ai gjithashtu ka një djalë pesëvjeçar, Prince me ish-in e tij, Jordan Craig.

Tristan ndau me fansat e tij në Instagram të hënën njoftimin duke shkruar: “Sot rezultatet e testit të atësisë zbulojnë se unë u bëra me një fëmijë me Maralee Nichols. Unë marr përgjegjësinë e plotë për veprimet e mia”.

“Tani që atësia është vendosur, mezi pres të rrisim miqësisht djalin tonë. I kërkoj sinqerisht falje kujtdo që kam lënduar apo zhgënjyer gjatë gjithë kësaj sprove, si publikisht ashtu edhe privatisht”, shkroi Tristan.

Më pas ai foli drejtpërdrejt me yllin e “Keeping Up With The Kardashians”, me të cilin filloi të takohej për herë të parë në vitin 2016.

Ai shkroi: “Khloe, ti nuk e meriton këtë. Ju nuk e meritoni dhimbjen dhe poshtërimin që ju kam shkaktuar. Ju nuk e meritoni mënyrën se si ju kam trajtuar ndër vite”.

“Veprimet e mia sigurisht që nuk janë në përputhje me mënyrën se si unë të shoh ty. Kam respektin dhe dashurinë maksimale për ty. Pavarësisht se çfarë mund të mendosh. Përsëri, më vjen shumë keq”, thuhej në deklaratën e tij.

Pranimi i postuar në Instagram shënoi herën e parë që lojtari i Sacramento Kings ka pranuar publikisht se tani është baba i tre fëmijëve.

“Nuk kishte asnjë dyshim se Tristan Thompson ishte babai i foshnjës së Maralee Nichols”, tha avokati i Maralees, Harvey Englander, më vonë për një deklaratë për DailyMail.

“Tristan bëri deklarata të shumta, të rreme dhe shpifëse për Maralee gjatë muajve të fundit, dhe ajo po e merr deklaratën e tij të penduar sot në kontekstin e të gjitha atyre deklaratave”, tha avokati

Skandali i tij i parë i mashtrimit u bë publik në vitin 2018.

Në vitin 2018, DailyMail zbuloi se Tristan e kishte tradhtuar Khloe-n e atëhershme shtatzënë me një punonjëse të klubit të striptizimit nga New Yorku, të quajtur Lani Blair.

Ata mirëpritën në jetën vajzën e tyre True më 14 prill 2018.

Në atë kohë, media të tjera raportuan për tradhti të tjera të tij, megjithatë, pavarësisht skandalit të mashtrimit, Khloe mbeti me Tristanin deri kur u nda me atletin në shkurt të vitit 2019.

Në shkurt 2019, Tristan puthi Jordyn Woods pas një festë në shtëpi – që shënon skandalin e tij të dytë të tradhtisë.

Është interesante të theksohet se Jordyn u fajësua kryesisht nga familja Kardashian publikisht në rrjetet sociale dhe në serialin KUWTK, për sjelljen e tij në dukje të anashkaluar.

Ajo ishte 21 vjeçe në atë kohë ndërsa Tristan ishte 27 vjeç dhe Khloe ishte 34.

Me gjithë trazirat, Tristan dhe Khloe rindezën romancën e tyre gjatë pandemisë COVID-19 ndërsa u izoluan së bashku në mars të vitit 2020 me vajzën e tyre True.

U raportua në qershor të vitit 2021 se Khloe dhe Tristan u ndanë për herë të dytë.

Në të njëjtin muaj, DailyMail zbuloi se si Tristan u zhduk në një dhomë gjumi me tri gra në një festë në shtëpi në Bel Air gjatë fundjavës. Avokatët e Thompson i mohuan pretendimet.

Është zbuluar se Tristan deklaroi dashurinë e tij për Khloen në rrjetet sociale në mars të vitit 2021 vetëm disa orë para se të takohej me Maralee dhe të ngjizte fëmijën sekret.

Më 13 mars 2021, Khloe foli për Tristanin në Instagram për nder të ditëlindjes së tij të 30-të – gjë që në atë kohë konfirmoi statusin e tyre përsëri.

Khloe kishte konfirmuar sërish statusin e tyre në postimin e ri, duke shkruar: “Ata që janë menduar të jenë, janë ata që kalojnë gjithçka që është krijuar për t’i copëtuar dhe ata dalin edhe më të fortë se më parë. Faleminderit që më tregove gjithçka që ke thënë se do të bësh. Për babain që je. Për shokun më të mirë që kam. Unë jam mirënjohëse që nuk mund të bëj absolutisht asgjë me ty dhe ndihem si gjithçka”.

Duke shtuar: “Shpresoj që ta dini sot dhe çdo ditë se sa i dashur je nga unë dhe kaq shumë. Mezi pres të gjitha kujtimet. Kjo është kur jeta sapo fillon të bëhet mirë”.

Menjëherë pasi ai shpërtheu në lidhje me Khloen dhe deklaroi dashurinë e tij, basketbollisti mashtrues tradhtoi dhe bëri fëmijën e fshehtë me Maralee.

Ai fluturoi me ekipin e tij – Boston Celtics – në Houston për të luajtur kundër Rockets disa orë pas komenteve.

Maralee më parë pretendoi se fëmija ishte ngjizur ndërsa festonte ditëlindjen e profesionistit të NBA në Hjuston, në mars të vitit 2021.

Rockets luajtën kundër Celtics në Houston më 14 mars – një ditë pasi ai postoi komentet e tij në Instagramin e Khloes dhe me sa duket një ditë pas takimit të tyre të raportuar në hotel.

Në atë kohë, Tristan dhe Khloe, të cilët kanë pasur një lidhje të ndezur/fikur të rrënuar nga akuzat për pabesinë e tij, thuhej se ishin përsëri bashkë.

DailyMail zbuloi detaje të betejës për atësinë në dhjetor pasi Nichols ngriti një padi kundër lojtarit të NBA.

Maralee, 31 vjeçe, një modele fitnesi, solli në jetë djalin e tyre më 1 dhjetor 2021. /Telegrafi/