Këngët më të dëgjuara në botë për vitin 2024

Taylor Swift u shpall artistja më e dëgjuar globale në Spotify këtë vit, me më shumë se 26.6 miliardë dëgjime në mbarë botën. Ndërkohë që Apple Music nuk e publikoi një listë të plotë të artistëve më të dëgjuar, ajo shpalli Swift si artisten më të dëgjuar në platformë.

Në vendet pas Swift, në listën e artistëve më të dëgjuar në Spotify janë The Weeknd, Bad Bunny, Drake dhe Billie Eilish, ndërsa Kendrick Lamar, i cili do të jetë në krye të Super Bowl në shkurt dhe pati një vit të madh pjesërisht për shkak të grindjes së tij me Drake, mungon dukshëm në dhjetëshen e parë, shkruan Forbes.

Apple Music publikoi informacion për këngët më të dëgjuara, dhe “Not Like Us” nga Lamar – kënga dissi që doli në krye të klasifikimeve dhe u nominuar për Grammy, që sulmon Drake-n si pjesë e grindjes së tyre – ishte kënga më e dëgjuar, e pasuar nga “Beautiful Things” nga Benson Boone dhe “Espresso” nga Sabrina Carpenter.

Përveç dëgjimit, Swift gjithashtu ishte në krye të listës së artistëve më të mirë të Billboard për vitin 2024 – që rendit artistët kryesorë të vitit sipas aktiviteteve në tabelat e albumeve Billboard 200 dhe këngëve në Billboard Hot 100, së bashku me të dhënat për turnet – për herë të katërt, e ndjekur nga Morgan Wallen, Zach Bryan dhe Drake.

Drake, nga ana e tij, u shpall artisti më i mirë i vitit për R&B/hip-hop në Billboard për herë të tetë, duke e dyfishuar numrin e titujve të tij në vitin e fundi krahasuar me çdo artist tjetër – ndonëse Billboard e shpalli “Not Like Us” të Lamar si këngën më të mirë të vitit në R&B/hip-hop.

Këngët më të dëgjuara në Spotify Globalisht:

“Espresso” nga Sabrina Carpenter
“Beautiful Things” nga Benson Boone
“BIRDS OF A FEATHER” nga Billie Eilish
“Gata Only” nga FloyyMenor, Cris Mj
“Lose Control” nga Teddy Swims
“End of Beginning” nga Djo
“Too Sweet” nga Hozier
“One Of The Girls (me JENNIE, Lily Rose Depp)” nga The Weeknd
“Cruel Summer” nga Taylor Swift
“Die With A Smile” nga Bruno Mars, Lady Gaga

Këngët më të dëgjuara në Apple Music Globalisht:

“Not Like Us” nga Kendrick Lamar
“Beautiful Things” nga Benson Boone
“Espresso” nga Sabrina Carpenter
“A Bar Song (Tipsy)” nga Shaboozey
“Cruel Summer” nga Taylor Swift. /Telegrafi/