Katër skuadra në garë për trofeun e çmuar të Ligës Unike

Final 4 i Ligës Unike do të vë përballë skuadrat më të mira të kësaj lige.

Dy skuadra nga Shqipëria dhe dy nga Kosova siguruan pjesëmarrjen në evenimentin e rëndësishëm për basketbollin e femrave në të dyja shtetet.

Flamurtari i Vlorës, Prishtina, Bashkimi i Prizrenit dhe Partizani i Tiranës, do të garojnë për trofeun e çmuar.

Në gjysmëfinale do të përballen Flamurtari me Prishtinën, që u renditën në vendin 2 dhe 3, derisa Bashkimi që ishte i pari do të sfidohet nga Partizani, që u rendit i katërti.

Kampione aktuale është Prishtina, që triumfoi në edicionin e parë dhe historik, kurse klubi vlonjat së fundi kishte triumfuar në Superkupën Mbarëkombëtare.

---

Orari

15 Mars 2023

E mërkurë

16:00 Flamurtari – Prishtina

19:00 Bashkimi – Partizani

16 Mars

E enjte

16:00 Ndeshja për vendin e tretë

19:00 Ndeshja Finale

---