Ministria e Kulturës, Rinisë dhe Sporteve javën e kaluar shpalli kategorizimin e ri të sporteve bazuar në aktivitete e zhvilluara gjatë vitit të kaluar, kategorizim ky i cili nuk u prit mirë nga disa prej federatave.
Ajo që mori vëmendjen më të madhe ishte rënia në kategorinë B, e Federatës së Futbollit të Kosovës, si dhe të Federatës së Basketbollit të Kosovës.
Ademi: S’jemi të kënaqur me kategorizimin, jemi ankuar në MKRS
Kryetari i FFK-së, Agim Ademi ka thënë për KosovaPress, se federata që ai e drejton duhet të ishte në kategorinë A dhe se për këtë tashmë janë ankuar tek Ministria e Sportit.
“Realisht janë disa kritere të cilat i ka caktuar komisioni përkatës i ministrisë dhe në bazë të asaj ne nuk jemi ata të cilët jemi në grupin e parë. Unë mendoj që Federata e Futbollit duhet ta ketë aty vendin, ose është dashur të jetë. Nuk e di se si e kanë vlerësuar, cilat janë kriteret dhe sa pikë e ku i marrin, por ne pjesën globale, pa u lëshuar në pikat e atij pyetësori, apo atyre kritereve që janë, mendoj që Federata e Futbollit, disa pika që i ka janë të pa shmangshme dhe të pamohueshme siç është masivizimi, siç është popullariteti i futbollit si në të gjithë botën, por edhe në Kosovë…Kemi bërë ankesë, normalisht kemi bërë ankesë edhe njëherë ia kemi sqaruar çështjen dhe ndoshta ata kanë pasur drejtë dhe ndoshta ka qenë ajo pjesë që ata i kanë parë të gjitha mirë dhe i kanë vlerësuar të gjitha mirë dhe ne nuk e kemi të qartë këtë punë.”, ka thënë Ademi.
Fetahu: Nuk jemi të kënaqur me kategorizimin e ri të FBK-së
Të pakënaqur me kategrozimin e ri janë edhe në Federatën e Basketbollit. Kryearti i saj, Arben Fetahu për KosovaPress, ka theksuar se ky sport në asnjë mënyrë nuk e ka vendin në kategorinë B, sidomos për shkak të popullaritetin të madh që e ka në vendin tonë.
“Sigurisht që nuk jemi të kënaqur me rënien në kategorinë B. Besoj që basketbolli nuk e ka vendin në kategorinë B në çfarëdo lloj formati apo kategorizimi që mund të zhvillohet tek ne. Të gjithë e dimë rëndësinë e sportit të basketbollit, shikueshmërinë, popullaritetin, dashurinë të cilën komuniteti ynë e ka për basketbollin. Kështu që ne e kemi paraqitur ankesën tonë në lidhje me poentimin të cilin e kemi marr nga kjo rregullore e re. Megjithëse duhet thënë që me ndryshimin e sistemit, ne kemi marr më shumë pikë se vitin e kaluar, por me rregulloren e re jemi klasifikuar në kategorinë B. Shpresoj që do t’i marrin parasysh komisioni ato ankesa të cilat ne i kemi bërë.”, ka thënë Fetahu.
Nikqi: Federata e Volejbollit meriton të jetë në kategorinë A
Ndryshe nga dy të parat, Federata e Volejbollit është renditur në kategorinë A dhe ky kategorizim sipas sekretarit të saj, Valon Nikqi ishte i merituar dhe krejtësisht i pritur.
“Ne e kemi pritur këtë kategorizim pasi që gjatë fazës së përgatitjeve të dokumenteve ne e kemi bërë një parallogoritje, ndoshta kemi pritur edhe disa pikë më shumë mirëpo është dashur të pajtohemi me këtë kështu që komisioni e ka vlerësuar që ne i kemi 85.2 pikë edhe jemi aty ku jemi, në kategorinë A. Nuk është risi për shkak se Federata e Volejbollit gjithmonë ka qenë në kategorinë e sporteve A edhe çfarë është me rëndësi që ne nga viti në vit gjithmonë kemi pasur ngrite në pikë që ka qenë edhe qëllimi ynë që ta kemi një luftë me vetveten, pra të arrijmë sa më shumë pikë çdo vit dhe krejt kjo fal aktiviteteve që i kemi organizuar.”, ka thënë Nikqi.
Demolli: Nuk jemi të kënaqur sepse synojmë kategorinë A
Në kategorinë B është pozicionuar edhe Federata e Boksit, por sekretari i saj, Latif Demolli thotë se po të merreshin parasysh rezultate e arritura, kjo federatë duhet të renditej menjëherë pas Federatës së Xhudos.
“Ne nuk jemi të kënaqur për arsye se gjithmonë pretendojmë të jemi në kategorinë A. Por, ne edhe pse jemi në kategorinë B jemi të kënaqur pasi që në kategorinë A kemi qenë në renditje në vendin e shtatë kurse tani në renditje jemi në vendin e pestë…Ne po t’i shohim rezultatet, për shembull të medaljeve, ne atëherë duhet të jemi në grupin A, pas xhudos, për arsye se ne të gjitha medaljet i kemi, përveç medaljes olimpike”, tha Demolli.
Kujtojmë se kjo është hera e parë që kategorizimin e sporteve e bën Ministria e Kulturës, Rinisë dhe Sportit, pasi që deri më tani atë e bënte Komiteti Olimpik i Kosovës. /KosovaPress/
Lufta Prigozhin - Putin
Më shumëNga Rubrika
FFK licencon shtatë klube për garat evropiane
Nga fitimi i Scudettos te rinovimi i dy yjeve, Liga e Kampionëve dhe Zirkzee – Zanetti flet për gjithçka që e rrethon Interin
Liverpooli zbulon fanellën e parë për sezonin e ardhshëm, magjike dhe me shumë domethënie
Historia e pabesueshme e ‘heroit’ që mposhti PSG-në: Pseudonimin e mori për shkak të dhëmbëve, deri në moshën 30-vjeçare ishte në kategorinë e dytë
Autobusi i PSG-së e la Mbappen në stadium pas humbjes nga Dortmundi, në aeroport shkoi me transport privat
Barcelona e hapur për të shitur yllin e madh të ekipit
Vedat Muriqi afër rikthimit në Turqi, pritet ta zëvendësojë yllin e madh
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Real Madridi merr vendim për të ardhmen e Modric dhe Kroos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit