Kampionati evropian ne automobilizëm: Valdet Kaçandolli bën progres të madh në Spanjë

Valdet Kaçandolli, garues dhe një nga veteranët e automobilizmit në Kosovë, anëtar i klubit PRT, ka filluar sfiden garuese me Suzuki Swift R+ ne kampionat evropian të disiplinës malore e njohur si EHC (European Hillclimb Championship).

Kaçandolli, sot ka përfunduar me sukses tri xhirot te treningut në kategorinë e veturave garuese te klasifikuara ne grupin 3, sipas Performanse Faktorit te FIA, me kohen e tij më të mirë prej 3 minutave 11 sekondave dhe 9 të qindta. Zbritjet progresive te kohës garuese nga xhiro ne xhiro, ishin tepër evidente, duke e pasur parasysh pjesëmarrjen e parë në ketë shteg te panjohur malor nga aspekti sportiv.

Përshtypjet e para te Valdetit janë shumë pozitive në garën e dytë zyrtare, pasi që në Austri e kishte të pamundur pjesëmarrjen, si dhe ekipi përkrahës i tij nga Suzuki Team, i cili është vendas spanjoll. Nga rezultati preliminar i tij, ka bere progres te konsiderueshëm, pasi që është hera e pare e tij në këtë shteg malor, dhe shumica e konkurrenteve kanë përvojë disa vjeçare në këtë shteg dhe disipline.

“Sapo përfundova tri xhirot e treningut, dhe ndjesia nga kafazi i veturës është e papërshkrueshme për përvojën që ta jep ngasja në këtë shteg mahnitës, me publike nga starti deri ne finish, mbi 10 mijë e sa tifozë të zjarrtë të autosportit, të cilit është e pamundur mos me i vënë re edhe nga adrenalina qe shtegu jashtëzakonisht me tempo dhe teknik sfidues për tre minuta. Sidoqoftë, jam tepër i kënaqur me pritjen dhe organizimin e kësaj gare te këtij niveli evropian”, ka thënë Kacandolli me entuziazëm komentin e tij për përvojën që ta jep kampionati EHC, me 150 vetura garuese.

Nesër nga ora 9:00 fillojnë lëshimet zyrtare të garës në dy tempo, te cilat regjistrohen si rezultat për plasman, pikë dhe shpërblimeve për kupa. Por, me e rëndësishme është që një garues nga Kosova arriti të ketë prezantim dinjitoz dhe shumë sportiv, falë përvojës dhe veturës se përgatitur posaçërisht për gara malore Hillclimb, Suzuki Swift R+.

Nesër ne garën e rrethit te trete te EHC, Subida al Fito te Spanjes i urojme Valdetit ta shijoje çdo moment, dhe nëse na nderon me ndonjë çmim, përveç pikëve qe i grumbullon për rrugën e gjate te kampionatit evropian, do te jete motivimi kryesor për garat e ardhshme te tij te disiplinës Malore. MN. FASK.