Vendimi i Kryesisë së Kuvendit të Kosovës që më 22 gusht të mbahet seancë për shpërndarjen e Kuvendit, u ka hapur rrugë zgjedhjeve të parakohshme parlamentare, pas dorëheqjes së Ramush Haradinaj, nga pozita e kryeministrit.
Subjektet politike në Kosovë tashme kanë shprehur gatishmërinë për mbajtjen e zgjedhjeve të parakohshme, madje edhe kanë nisur fushatën parazgjedhore pa u caktuar zgjedhjet.
Në anën tjetër, në Komisionin Qendror të Zgjedhjeve, thonë se ende nuk kanë para për fillimin e përgatitjeve për zgjedhje.
Valmir Elezi, zëdhënës në këtë institucion, thotë për Radion Evropa e Lirë, se ky vit nuk ishte parashikuar si vit zgjedhor dhe prandaj në Ligjin e Buxhetit nuk ka mjete të planifikuara për zgjedhje. Ai thotë se pas shpalljes së zgjedhjeve, KQZ-ja do të bëjë kërkesë në Qeveri për mjetet e nevojshme financiare.
Ndërsa, sa më shpejt që do të miratohej kërkesa për mjete financiare, pas paraqitjes së saj, Elezi thotë se kjo do ta lehtësonte tej mase punën e KQZ-së në organizimin e zgjedhjeve.
“Mbështetur edhe në praktikat e kaluara, pra kur janë shpallur zgjedhjet e jashtëzakonshme, KQZ-ja bën kërkesë në Qeverinë e Kosovës për mjetet financiare për mbajtjen e zgjedhjeve”.
“Zgjedhjet e kaluara parlamentare, të cilat po ashtu kanë qenë të paplanifikuara, kanë kosto të përgjithshme shumën 4 milionë euro. Por, se sa do të kushtojnë zgjedhjet eventuale, ne nuk mund ta dimë tani. KQZ-ja fillon me përgatitjet intensive të një procesi zgjedhor vetëm pasi të merret vendimi përshpalljen e tij. Prandaj, në këtë drejtim ne ende nuk kemi bërë ndonjë planifikim të buxhetit.” , thotë Elezi.
Zyrtarë të Ministrisë së Financave, ndërkaq, pohojnë se mjetet financiare për organizimin eventual të zgjedhjeve, ekzistojnë në këtë ministri.
Lulzim Rafuna, këshilltar i ministrit në largim të Financave në Qeverinë e Kosovës, thotë se pas kërkesës të KQZ-së, ministria do të sigurojë mjetet e nevojshme.
“Brenda Ministrisë së Financave janë mjetet e nevojshme për arsye se është paraparë një rezervë brenda ministrisë që të jetë në dispozicion. Pra, mjetet janë në dispozicion dhe sipas bazës ligjore, ministri i Financave mbi bazën e kërkesës në këtë rast të KQZ-së, mund të bartë atë shumë të mjeteve për buxhetin e KQZ-së për të organizuar zgjedhje të jashtëzakonshme”, tha Rafuna.
Megjithatë, kryetarja e Komisionit Qendror të Zgjedhjeve, Valdete Daka, ka thënë se Komisioni është i gatshëm t’i organizojë zgjedhjet kurdo që shpallen ato.
“Ne jemi të gatshëm që t’i organizojmë zgjedhjet kurdo që të shpallen ato. Ne kërkojmë nga sekretariati që të mobilizohet qoftë muajin e ardhshëm, qoftë pas atij, që të jemi gati. Ne jemi gati, e them edhe një herë dhe dua që ta njoftoj edhe opinionin”, ka thënë Daka në një konferencë për media .
Pas shpërndarjes së Kuvendit të Kosovës, zgjedhjet e parakohshme caktohen nga Presidenti, jo më vonë se dhjetë (10) ditë pas shpërndarjes. Zgjedhjet e parakohshme nuk mund të mbahen më herët se tridhjetë (30) ditë dhe më vonë se dyzetë e pesë (45) ditë pas shpërndarjes.
Më 10 maj të vitit 2017 një mocion mosbesimi ndaj Qeverisë, u miratua nga deputetët e Kuvendit të Kosovës, duke i dhënë fund koalicionit të atëhershëm qeverisës dhe duke hapur rrugën drejt zgjedhjeve të parakohshme.
Në atë kohë, vetëm pesë ditë (15.05.2017) pas shpërbërjes se Kuvendit, Qeveria e Kosovës në krye me ish-kryeministrin Isa Mustafa kishte arritur të ndajë rreth 5 milionë euro për KQZ-në, mjete këto të nevojshme për organizimin e zgjedhjeve me 11 qershor po të vitit 2017
Kosova, që prej shpalljes së pavarësisë së saj, nuk ka pasur një qeveri të qëndrueshme që ka përfunduar mandatin katër vjeçar.
Promo
Reklamo këtuLufta Prigozhin - Putin
Më shumëTaravari: Kemi dalje masive, shpresoj që vëzhguesit ta mbrojnë votën e çdo qytetari
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Llukarevska: Pendarovski shkon në raundin e dytë
O'Brien bisedon me Kurtin, SHBA pret përparim urgjent në themelimin e Asociacionit
KSHZ jep detaje për përqindjen e daljes së votuesve deri në fund të procesit zgjedhor
Vdes një person në Pejë, dyshohet se u godit qëllimshëm nga vetura
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert