Juventusi synon një luftë ofertash mes Manchester Cityt dhe Paris-Saint Germain për Douglas Costa, ndërsa ylli i Wolverhampton Wanderers, Raul Jimenez, shihet si zëvendësues i tij.

Sipas edicionit të sotëm të gazetës Tuttosport, Costa dhe Federico Bernardeschi do të sakrifikohen këtë verë për të mbledhur fonde për lojtarët më të përshtatshëm për vizionin e trajnerin Maurizio Sarri.

Anësori sulmues brazilian Costa është interes i klubeve si City dhe PSG, megjithëse ai mbush 30 vjet në shtator dhe ka një histori të gjatë të problemeve muskulore.

Manchester Unitedi interesohet për dyshen e Juventusit Manchester Unitedi interesohet për dyshen e Juventusit

Ai ka kontribuar me tre gola dhe shtatë asistime në 27 paraqitje konkurruese për Juve deri më tani këtë sezon dhe stili i tij përshtatet me dy klubet e lartcekura.

Sipas Tuttosport, drejtuesit e Zonjës së Vjetër tashmë kanë gjetur edhe pasuesin e Costas dhe ai vjen nga Liga Premier.

Formacioni më i mirë i sezonit në Ligën Premier deri më tani në bazë të statistikave - mungojnë shumë yje Formacioni më i mirë i sezonit në Ligën Premier deri më tani në bazë të statistikave - mungojnë shumë yje

Zëvendësues i tij do të ishte meksikani i Wolves, Jimenez, 29-vjeçari që aktualisht po shkëlqen në Ligën Premier me Ujqit.

Ai është blerë nga Benfica për 41 milionë euro dhe ka 26 gola plus 10 asistime në 51 ndeshje zyrtare për Wolves këtë sezon. /Telegrafi/