LAJMI I FUNDIT:

Jo vetëm Chiesa e Pjanic: Hetuesit shikojnë edhe te marrëveshjet e Koulibalyt, Handanovic dhe Rebic

Jo vetëm Chiesa e Pjanic: Hetuesit shikojnë edhe te marrëveshjet e Koulibalyt, Handanovic dhe Rebic

Agjenti Fali Ramadani është nën hetim për evazion fiskal të dyshuar dhe pastrim parash dhe hetuesit po kërkojnë disa transferime, duke përfshirë kalimin e Kalidou Koulibaly në Napoli dhe anulimin e kontratës së Maurizio Sarrit me Partenopei.

Agjentët e Guardia di Finanza – Policia Financiare e Italisë – kanë trokitur në derën e nëntë klubeve të Serisë A (Inter, Milan, Juventus, Verona, Fiorentina, Napoli, Torino, Cagliari dhe Roma) dhe dy të Serisë B (Frosinone dhe SPAL) për të marrë emaile dhe dokumente në lidhje me komunikimet mes tyre dhe agjentëve Fali Ramadani e Pietro Chiodi.

Transferimet e Federico Chiesa nga Fiorentina te Juventusi dhe Miralem Pjanic nga Juve te Barcelona janë duke u shqyrtuar nga hetuesit.


Hetimet te Juventusi: Ronaldo dhe ‘dokumenti sekret’
Lexo po ashtu Hetimet te Juventusi: Ronaldo dhe ‘dokumenti sekret’

Prokurori Publik i Milanos beson se Ramadani ka marrë komisione nga këto transferta duke kryer evazion fiskal për 7 milionë euro.

Sidoqoftë, sipas Il Corriere della Sera (siç citohet nga Calciomercato.com), hetuesit po kërkojnë më shumë marrëveshje midis agjentit dhe klubeve të tjera të Serisë A.

Këto përfshijnë kalimin e Kalidou Koulibaly nga Genk te Napoli në vitin 2014 dhe ndërprerjen e kontratës së Maurizio Sarri me Partenopei në vitin 2018, përpara emërimit të italianit si trajner i Chelseat.

Agjenti shqiptar Fali Ramadani po hetohet për krime tatimore
Lexo po ashtu Agjenti shqiptar Fali Ramadani po hetohet për krime tatimore

Interit i janë kërkuar dokumente në lidhje me rinovimin e kontratës së Samir Handanovic, ndërsa Milani do të duhet të japë detajet financiare të nënshkrimit të Ante Rebic nga Eintracht Frankfurt.

Lëvizjet e Nikola Kalinic te Roma dhe Hellas Verona janë gjithashtu duke u shqyrtuar, njësoj si kalimi i Karlo Butic në Torino në vitin 2018 dhe transferimi i Lorenco Simiç në SPAL. /Telegrafi/

Në trend Sport

Më shumë
Pamje nga dy kënde: A u dëmtua Liverpooli nga gjyqtari Michael Oliver përballë Evertonit?

Pamje nga dy kënde: A u dëmtua Liverpooli nga gjyqtari Michael Oliver përballë Evertonit?

Premier League
Henry, Carragher dhe Richards, të gjithë bien dakord se kush do ta fitojë Topin e Artë 2025

Henry, Carragher dhe Richards, të gjithë bien dakord se kush do ta fitojë Topin e Artë 2025

Ndërkombëtare
Icardi u tall me të në rrjetet sociale, Mourinho ia kthen në mënyrë thumbuese argjentinasit

Icardi u tall me të në rrjetet sociale, Mourinho ia kthen në mënyrë thumbuese argjentinasit

Ligat tjera
Collina fshehu një sekret për 23 vjet: E theva rregullin qëllimisht në finalen e Kupës së Botës 2002

Collina fshehu një sekret për 23 vjet: E theva rregullin qëllimisht në finalen e Kupës së Botës 2002

Ndërkombëtare
UEFA do t'i acarojë tifozët e futbollit me vendin ku do të zhvillohet finalja e Ligës së Kampionëve në vitin 2027

UEFA do t'i acarojë tifozët e futbollit me vendin ku do të zhvillohet finalja e Ligës së Kampionëve në vitin 2027

Liga e Kampionëve
Zbulohet emri i lojtarit që Guardiola ëndërron ta transferojë te Man City

Zbulohet emri i lojtarit që Guardiola ëndërron ta transferojë te Man City

Premier League
Kalo në kategori