Los Angeles Lakers ka marrë fitoren e 14-të në elitën e basketbollit amerikan NBA.

Skuadra nga Kalifornia para tifozëve të vet ka triumfuar ndaj Phoenix Suns me 24 pikë diferencë 120:96.

Çereku i parë i takoi mysafirëve me 10 pikë diferencë 21:31, mirëpo Lakers u rikthyen në të dytin duke mposhtur me 25 pikë diferencë 40:15 dhe duke përfunduar pjesën e parë me rezultat 61:46.

Në vazhdim Lakers arriti ta menaxhoj mirë lojën dhe me sukses mbajti epërsinë deri në fund.

Kyle Kuzma dhe LeBron James ishin fantastik në këtë takim duke dhuruar shumë atraksion për tifozët.

Ishte alo qendra Kuzma që shënoi më së shumti pikë në këtë takim 23 sosh, duke shtuar edhe tetë kërcime e tri asistime.

Lojë të mirë bëri edhe LeBron James me 22 pikë, gjashtë kërcime e tetë asistime.

Ndërkohë me pikë dyshifrore e mbyllën edhe katër basketbollistë tjerë si Ingram (15), McGee (14), Beasley (14) dhe Wagner (10).

Qendra Holmes ishte më efikasi tek Phoenix me 15 pikë, ndërsa Josh Jackson shtoi 14 tjera.

Pas kësaj fitore, Lakers është ngritur në pozitën e pestë në Konferencën e Perëndimit me 14 fitore e nëntë humbje.

Ndërkohë Pheonix vazhdon të mbetet në pozitën e fundit në Perëndim. /Telegrafi/