Izraeli kritikon yjet e “Oscars 2024” që u shfaqën në ceremoni me simbolikën që bën thirrje për armëpushim në Gaza

Figura publike izraelite kanë dënuar yjet e mëdhenj në “Oscars” për vendosjen e pullave të kuqe të dorës që simbolizojnë mbështetje për një armëpushim në Gaza nga grupi “Artists4Ceasefire”. Imazhi në pullë kujton linçimin e tmerrshëm në vitin 2000 në Ramallah të dy burrave izraelitë që hynë aksidentalisht në qytetin palestinez të Ramallahit.

Një turmë trazirash palestineze i theri dhe i rrahu ushtarët për vdekje para se të shqyenin organet e tyre – përfshirë zemrën – dhe të pozonin për një foto me duar të gjakosura përpara një turme entuziaste. Fotoja shpejt u bë një simbol i dhunës gjatë Intifadës së Dytë, shkruan DailyMail.

Disa yje vendosën këto pulla në ceremoninë e çmimeve “Oscars 2024”, të mbajtur në Teatrin “Dolby” në Los Angeles, duke përfaqësuar lëvizjen “Artists4Ceasefire”, një grup që avokon për një “armëpushim” në Gaza. Ndër yjet që vendosën pullat ishin Billie Eilish dhe vëllai i saj Finneas, Cord Jefferson, Mark Ruffalo, Ava DuVernay, Ramy Youssef dhe Quannah Chasinghorse.

“Pullat simbolizojnë mbështetje kolektive për një armëpushim të menjëhershëm dhe të përhershëm, lirimin e të gjithë pengjeve dhe për dorëzimin urgjent të ndihmës humanitare për civilët në Gaza”, tha grupi në një deklaratë.

Noa Tishby dhe Yoseph Haddad, avokatë të shquar për Izraelin, kanë kritikuar yjet që mbajtën pulla të kuqe të “Artists4Ceasefire” në “Oscars”. Tishby dhe Haddad janë përfshirë aktivisht në përpjekje ndërkombëtare avokuese, duke diskutuar konfliktin izraelito-palestinez me politikanë, studentë dhe publikun. Sipas Haddad, kjo lëvizje u shfaq si përgjigje ndaj pullave të verdha që avokojnë për lirimin e pengjeve izraelitë, sipas Jerusalem Post.

Tishby dhe Haddad besojnë se vendosja e këtyre pullave mban një simbolikë të rëndësishme. Tishby theksoi mungesën e pullave të verdha të shiritit, të cilat kërkojnë kthimin e pengjeve izraelitë, pranë shfaqjes së pullave të kuqe. Ajo shprehu shqetësim se kjo mund të interpretohet si mbështetje për agjendën e Hamasit duke vënë në dyshim të drejtën e Izraelit për vetëmbrojtje.

Nga ana tjetër, Haddadi tha se pulla e kuqe “mbështet anën e një organizate terroriste që kreu një masakër të egër…dhe gjithashtu thekson se pengjet izraelite mund të [qëndrojnë] në Gaza dhe të vazhdojnë të kalojnë nëpër ferr”, siç raportohet nga Jerusalem Post.

Ramy Youssef, një nga yjet që vendosi pullën e kuqe, e përshkroi atë si një mesazh universal për të ndaluar vrasjen e fëmijëve në një intervistë në tapetin e kuq. Dhjetëra yje, duke përfshirë yje të listës A si: America Ferrera, Channing Tatum, Dua Lipa dhe Florence Pugh, janë bashkuar për të bërë thirrje për Presidentin Joe Biden që të thërrasë një armëpushim të menjëhershëm në Gaza përmes “Artists4Ceasefire”.

Figurat publike, të cilat krijuan një grup të quajtur “Artists4Ceasefire”, shkruan një letër të hapur për presidentin, e cila shpjegon se ata “janë bashkuar si artistë dhe avokatë, por më së shumti si njerëz që dëshmojnë humbjen shkatërruese të jetëve dhe tmerrin që zhvillohet në Izrael dhe Palestinë”.

“Ne ju kërkojmë që, si President i Shteteve të Bashkuara, të bëni thirrje për një deeskalim të menjëhershëm dhe armëpushim në Gaza dhe Izrael para se të humb një tjetër jetë”, tha grupi. “Më shumë se 5,000 njerëz janë vrarë në një javë e gjysmë – një numër që çdo person me ndërgjegje e di se është katastrofik. Ne besojmë se jeta është e shenjtë, pavarësisht nga feja apo etniciteti dhe ne dënojmë vrasjen e civilëve palestinezë dhe izraelitë”.

Ata vazhduan: “Ne i bëjmë thirrje administratës suaj dhe të gjithë udhëheqësve të botës që të nderojnë të gjitha jetët në Tokën e Shenjtë dhe të bëjnë thirrje për dhe të ndërmjetësojnë një armëpushim pa vonesë – një fund i bombardimeve të Gazës dhe lirimi i sigurt i pengjeve”.

Anëtarët e “Artists4Ceasefire” gjithashtu theksuan se “gjysma e banorëve të dy milionëve të Gazës janë fëmijë, dhe më shumë se dy të tretat janë refugjatë dhe pasardhësit e tyre të detyruar të braktisin shtëpitë e tyre”.

“Ata janë duke shtuar zërat e tyre me ata nga Kongresi i ShBA, UNICEF, Komiteti Ndërkombëtar i Kryqit të Kuq dhe shumë të tjerë”, shtuan yjet. “Të shpëtuarit e jetëve është një gjest imperativ moral”.

Kërkesa u nënshkrua gjithashtu nga Cate Blanchett, Andrew Garfield, Jessica Chastain, Rachel McAdams, Shailene Woodley, Joaquin Phoenix, Jessie Williams, Kristen Stewart, Macklemore, Alyssa Milano, Margaret Cho dhe shumë VIP të tjerë. /Telegrafi/