“Ishte thjesht kaos – ka pasur të shtëna majtas e djathtas”: Katër policë të vrarë, katër të tjerë të plagosur në një ‘rrethim shtëpie’ në Karolinën e Veriut

Katër oficerë të zbatimit të ligjit janë qëlluar për vdekje dhe katër të tjerë janë plagosur teksa po realizonin një urdhër në Charlotte, Karolina e Veriut, thonë zyrtarët.

Të paktën një sulmues i dyshuar u gjet i vdekur në oborrin e përparmë të një shtëpie pas një përplasjeje që zgjati tri orë, tha policia, shkruajnë mediat e huaja, përcjell Telegrafi.

Autoritetet theksuan se ishin përfshirë dy të dyshuar të armatosur dhe ky po vlerësohet si një nga sulmet më vdekjeprurëse ndaj forcave të rendit amerikan në dekada.

Oficerët ishin pjesë e një task-force të udhëhequr nga Shërbimi i Marshallëve të SHBA, të cilët po përpiqeshin të realizonin një urdhër të hënën kundër një krimineli të kërkuar për posedim të paligjshëm të një arme zjarri kur të shtënat shpërthyen në rrugën periferike.

🚨 Tragic news from Charlotte, NC: 3 officers have lost their lives in an active shootout. Out of 7 law enforcement officers shot, 3 are confirmed deceased, with 4 receiving medical treatment. Our thoughts are with all affected. #Charlotte #NorthCarolina #CPMD #CharlotteAustin… pic.twitter.com/SiKbfrzmSy

— WorldNews (@FirstWorldNewss) April 29, 2024

Oficerët u përgjigjën me zjarr ndaj një sulmuesi në oborrin e përparmë të një shtëpie, më pas u qëlluan mbi ta nga brenda shtëpisë, tha shefi i policisë së Charlotte-Mecklenburg, Johnny Jennings në një konferencë shtypi.

“Sot ne humbëm disa heronj që ishin jashtë thjesht duke u përpjekur të mbanin komunitetin tonë të sigurt”, u tha shefi i policisë gazetarëve.

Ai tha se ishte sulmi më i keq ndaj oficerëve të policisë që mund të kujtonte në 30 vitet e tij në detyrë.

‘Pray for that man. He out here doing God’s work.’ 🚨 New neighbor video shows chaotic scene outside east Charlotte home where 3 US Marshals killed, 5 officers hurt Monday afternoon.https://t.co/QmlyDh3JRn
📷 | Rodney Bazley pic.twitter.com/AW3zbSPquc

— Queen City News (@Queen_City_News) April 29, 2024

Sipas dëshmitarëve, të shtënat po dëgjoheshin për më shumë se dy orë pasi sulmi filloi në një zonë banimi në lindje të qytetit.

Dëshmitari Tyler Wilson tha për CBS News se ai ishte duke punuar në shtëpi kur dëgjoi policinë të bërtiste që i dyshuari të dilte nga shtëpia.

“Pas kësaj, ishte thjesht kaos”, tha ai. “Ka pasur të shtëna majtas e djathtas”.

🚨#BREAKING: Seven law-enforcement officers have been shot with a fatalities reported during a active shootout⁰
📌#Charlotte | #NorthCarolina⁰
Currently, a multitude of law enforcement officers are on the scene in tactical gear, along with emergency personnel, and other… pic.twitter.com/Nlj3tzMvBe

— R A W S A L E R T S (@rawsalerts) April 29, 2024

“Ne kishim Swat dhe Marshallët e SHBA-së vendosën snajperë në dhomat tona të gjumit. Ishte një oficer [që] u tërhoq zvarrë nga krahët nëpër shtëpinë tonë”.

“Ka qenë goxha çmenduri”, vazhdoi ai. “Ishte rreth 30 minuta ku pati një shkëmbim zjarri të drejtpërdrejtë”. /Telegrafi/