“Isha thjeshtë një vajzë shqiptare që erdha në Amerikë me asgjë përveç rrobave në trup”, Ava Max vjen me një mesazh motivues për fansat

Sot ajo është një prej këngëtareve të reja më të suksesshme në tregun ndërkombëtar të muzikës.

Me disa këngë hit e çmime të fituara në konkurse prestigjioze të muzikës nëpër botë, Ava Max është shndërruar pa dyshim në senzacionin e momentit.

Pavarësisht të mirave që gëzon sot, jo gjithmonë jeta është treguar e drejtë për këngëtaren me prejardhje nga Saranda.

Prindërit e saj u shpërngulën në Paris kur ajo ishte shumë e vogël e më pas në Shtetet e Bashkuara të Amerikës.

Ajo e kujton me shumë vështirësi kur prindërit e saj bënin nga 2-3 punë secili, vetëm për t’iu siguruar jetesën më të mirë të mundshme fëmijëve të tyre.

Edhe përmes fotografisë së fundit të publikuar në rrjetin social Instagram, 25-vjeçarja vendosi t’i motivojë fansat e saj duke kujtuar momentin kur për herë të parë shkoi në Amerikë, dhe ishte me asgjë me vete por rrobave në trup.

“Në jetë, ekziston e mira dhe e keqja. Dhe besoj se e mira mbizotëron gjithmonë. Kam mësuar veçanërisht nga e kaluara ime që vetëm vendimet e tua mund të të ndalojnë. Edhe nëse kartat janë grumbulluar kundër jush, ka një rrugëdalje. Nëse unë mund të jetoj ëndrrat e mia, edhe ju mundeni. Unë isha thjesht një vajzë e vogël nga një familje shqiptare me ëndrra të mëdha që erdhën në Amerikë me asgjë përveç rrobave të tyre. Unë po jua them këtë sepse besoj se mund të bëni gjithçka”, ka shkruar artistja me prejardhje shqiptare, në mbishkrimin e një fotografie të realizuar në Tajvan. /Telegrafi/

View this post on Instagram

In life, there is good and evil. And I believe good always prevails. I’ve learned particularly from my past that only your own decisions can stop you. Even if the cards are stacked up against you, there is a way out. If I can live my dreams, you can too. I was just a little girl from an Albanian family with big dreams that came to the states with nothing but the clothes on their back. I’m telling you this because I believe you can do anything.

A post shared by AVA MAX 🛸 (@avamax) on Jan 17, 2020 at 9:20am PST