Ish-zbuluesi i talentëve te Evertoni, Steve Walsh zbulon se si Koeman refuzoi transferimin e Haalandit për vetëm katër milionë euro
Shefi i zbuluesve të talentëve te Evertoni, Steve Walsh kishte një marrëveshje prej katër milionë eurosh për Erling Haaland në vitin 2016 kur Ronalt Koeman ishte në krye të ekipit, por holandezi refuzoi transferimin e sulmuesit.
Ka pak dyshime që Haaland është një nga emrat më të nxehtë në futbollin botëror për momentin, ndërsa shënimet e shumta kanë bërë që ylli i Borussia Dortmundit të tërheq interes nga Barcelona, Real Madrid dhe klube angleze e italiane.
Transferimi i Haalandit në këtë kohë është thuajse i pamundur pasi çmimi real i tij thuhet se është 150 milionë euro, ndërsa Dortmund për ta vështirësuar edhe më shumë situatën kërkon plot 200 milionë euro për të.
Haaland duket gjithnjë e më shumë se ka gjasa të qëndrojë në Dortmund për sezonin 2021-22, por kur ai të largohet shumë lehtë mund të thyhet rekordi botëror i transferimeve.
Megjithatë, Haaland mund të ishte transferuar për një shifër shumë të ulët para disa vitesh, ndërsa trajner Koeman nuk do ta përdorte ‘veton’.
Sipas gazetës spanjolle AS, trajneri aktual i Barcelonës mund të kishte sulmuesin e Norvegjisë nën urdhrat e tij pesë vjet më parë kur ai ishte në krye të Evertonit, por refuzoi të paguante katër milionë euro.
Koeman turned down €4m deal for Erling Haaland at Everton: https://t.co/UGelcsLJYj pic.twitter.com/RVUkn0Runp
— AS English (@English_AS) June 5, 2021
Mundësia për të ‘vjedhur’ Haalandin të ri erdhi përmes syrit të çuditshëm të skautit, Steve Walsh, i cili njihet edhe për transferimet e N’Golo Kante për 6 milionë euro nga Caen, Riyad Mahrez për vetëm 600 mijë euro nga Le Havre dhe më i famshmi Jamie Vardy, për 1.2 milionë euro nga Fleetëood Town gjatë kohës së tij te Leicester City.
Sukseset e Walsh ishin të mjaftueshme për të bindur Evertonin për ta bërë atë skautin e tyre kryesor në vitin 2016, në të njëjtën kohë kur Koeman mbërriti në Merseyside për të marrë detyrën e klubit, por holandezi nuk shfrytëzoi mundësinë e transferimit të Haaland.
Walsh dhe ekipi i tij i skautëve kishin vëzhguar nga afër Haalandin e panjohur atë kohë, ndërsa ai ishte te Bryne në divizionin e dytë norvegjez dhe e identifikoi atë si një superyll të ardhshëm.
“Kam pasur sulmuesin Erling Haaland dhe babanë e tij të bindur për një lëvizje për 4 milionë euro”, ka thënë Walsh gjatë një interviste me The Athletic.
Sidoqoftë, pas një prove katër-ditore në Everton dhe pavarësisht se Walsh i rekomandoi t’i ofrojnë atij një kontratë, Koeman dhe Everton vendosën kundër nënshkrimit të adoleshentit, i cili përfundimisht u transferua në Molde.
Pjesa tjetër është histori. Haaland u bashkua me RB Salzburgun në janar të vitit 2019 ku shënoi 29 gola në 27 paraqitje, duke tërhequr interesin e disa prej klubeve më të mëdha të Evropës. Dortmund përfundimisht do të nënshkruante sulmuesin për një shifër rreth 20 milionë euro, me Haaland që ka shënuar 57 gola në 59 paraqitje. /Telegrafi/
Lufta Prigozhin - Putin
Më shumëPublikohet biseda e gjyqtarit me dhomën e VAR-it për golin ‘fantazmë’ të Lamine Yamal
Bayerni shokon të gjithë me trajnerin i cili do ta drejtojë ekipin sezonin e ardhshëm
Ish-legjenda e Liverpoolit tregon trajnerin favorit për ta zëvendësuar Kloppin
Ancelotti i bën një premtim të madh Arda Gulerit mes pakënaqësive për mungesë minutash
Nga xhirimi i ngadalësuar, duket se shuhen dilemat se a ishte gol apo jo gjuajtja e Yamal
Humbja nga Reali sjell diçka të mirë te Barcelona, Xavi merr vendimin e madh?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj