Transferimi i Romelu Lukakut në këtë verë te Interi është duke u varur edhe nga e ardhmja e Mauro Icardit.

Sipas The Telegraph, klubi italian është i gatshëm që të heq dorë nga argjentinasi, në mënyrë që t’i sigurojë shërbimet e belgut.

Por, mediumi anglez bën të ditur se Nerazzurët janë duke menduar që Mauro Icardin t’ia ofrojnë Manchester Unitedin dhe para për ta transferuar Lukakun.

Mauro Icardi (Foto: Alessandro Sabattini/Getty Images/Guliver)

Antonio Conte është i dashurua në lojën e sulmuesit belg, pasi që e kishte kërkuar edhe në kohën kur ishte te Chelsea.

Beppe Marotta mund të heq dorë lehtësisht nga Icardi, pas tollovisë që ka shkaktuar në klub në sezonin që lamë pas.

Lukaku pajtohet me Interin rreth kushteve personale Lukaku pajtohet me Interin rreth kushteve personale

Manchester United mund shumë lehtë ta pranojë ofertën e Interit për t’i shkëmbyer lojtarët dhe ta marrë një pjesë të parave.

Në garë për Icardin është edhe Juventusi, por bisedimet kanë ngecur, përderisa Nerazurrët kërkojnë Paulo Dybalan dhe Juan Cuadradon në këmbim. /Telegrafi/