Chelsea ka refuzuar ofertën e Interit prej 20 milionë eurosh për Emerson Palmieri, por Nerazzurrët janë të përgatitur të ofrojnë 30 milionë euro nëse marrëveshja përfshin edhe sulmuesin Olivier Giroud.

Emerson është zgjedhja e parë e Interit për të forcuar krahun e tyre të majtë këtë verë.

Megjithatë, gazeta Tuttosport paralajmëron se ai nuk do të vijë i lirë pasi Chelsea kërkon 30 milionë euro për mbrojtësin e krahut.

Sidoqoftë, gazeta shkruan se Interi ka ringjallur interesin e tyre për Giroud dhe janë të gatshëm të plotësojnë çmimin e kërkuar të Bluve nëse përfshihet francezi.

Pavarësisht se kohëve të fundit nënshkroi një kontratë të re, 33-vjeçari do të mbetet përsëri zgjedhje e dytë apo e tretë në Stamford Bridge pas ardhjes së Timo Werner.

Interi tashmë ka bërë një nënshkrim për sezonin e ardhshëm, pasi ka transferuar mbrojtësin e djathtë të Real Madridit, Achraf Hakimi për 45 milionë euro. /Telegrafi/