Inteligjenca britanike: Moska po has në vështirësi në furnizimin e forcave ushtarake në Ukrainë

Moska është detyruar të “zhvendosë nyjet e furnizimit” më në jug dhe në lindje për shkak të sulmeve ukrainase në vazhdën e tërheqjes nga Kherson, pretendon ministria britanike e inteligjencës.

Ministria e Mbrojtjes (MM) tha se tërheqja e Rusisë nga bregu perëndimor i lumit Dnipro i ka ofruar Ukrainës “mundësi për të goditur nyjet dhe linjat e komunikimit të logjistikës ruse”.

Ministria e Mbrojtjes shtoi se “Ky kërcënim ka shumë të ngjarë të ketë shtyrë logjistikët rusë të zhvendosin nyjet e furnizimit, duke përfshirë pikat e transferimit hekurudhor, më në jug dhe në lindje”.

Latest Defence Intelligence update on the situation in Ukraine – 02 December 2022

Find out more about the UK government's response: https://t.co/IsEXJk3R7s

🇺🇦 #StandWithUkraine 🇺🇦 pic.twitter.com/ErKU7j9pVp

— Ministry of Defence 🇬🇧 (@DefenceHQ) December 2, 2022

“Njësitë ruse të logjistikës do të duhet të kryejnë ngarkim-shkarkim shtesë me punë intensive nga transporti hekurudhor në atë rrugor. Lëvizjet rrugore më pas do të jenë ende të pambrojtura ndaj artilerisë ukrainase ndërsa ato lëvizin për të furnizuar pozicionet mbrojtëse ruse përpara”, shkruan në raportin e inteligjencës britanike.

“Mungesa e municioneve të Rusisë (e përkeqësuar nga këto sfida logjistike) ka të ngjarë të jetë një nga faktorët kryesorë që aktualisht kufizon potencialin e Rusisë për të rifilluar operacionet tokësore ofensive efektive në shkallë të gjerë”, thuhet në raport.

Ndryshe, Rusia ka nisur pushtimin e pajustifikueshëm në Ukrainë më 24 shkurt duke shkaktuar viktima dhe dëme materiale. /Telegrafi/