Gjatë kohës te Manchester United, Cristiano Ronaldo në ditët e para të tij kishte marrë një coca cola me vete për mëngjes, derisa Ryan Giggs nuk e kishte pranuar mirë.

Sipas ish-bashkëlojtarit të tyre dhe tani trajner i Djajve të Kuq, Ole Gunnar Solskjaer,ka zbuluar se si uellsiani i kishte dhënë një leksion portugezit.

“Mos e bëjë kurrë më atë veprim”, i kishte reaguar Giggs, Ronaldos duke e mbështetur në mur.

Image: PA

Legjenda e United kishte vendosur standarde të larta në klub dhe nuk dëshironte që bashkëlojtarët e tij t’i thyenin rregullat.

Nuk është përmendur se kur kishte ndodhur incidenti, mirëpo që Ronaldo nuk kishte marrë më asnjëherë kanaçe me coca cola me vete.

Image: PA

Sir Alex Ferguson kishte bërë edhe disa veprime të tjera më të vështira ndaj lojtarëve të tij, e kujtojmë rastin kur David Beckhamit i kishte fluturuar atletja në vetull.

Trajneri legjendar kishte shumë respekt për lojtarët e tij, mirëpo kur rregullat thyheshin, dënimet e rënda pasonin, e Giggs kishte për detyrë të mbante rregull. /Telegrafi/