I rrethuar nga tela me gjemba dhe i braktisur nga njerëzit, qyteti i Çernobilit në Ukrainë mund të jetë fare mirë një sinonim i rrënimit.

Tridhjetë vite më pas, ai dhe qytetet fqinje vazhdojnë të jenë të pabanuara, ndonëse nivelet e ndotjes kanë rënë ndjeshëm. Aty dikur mund të gjeje një pallat, sot natyra e ka shndërruar në një grumbull shkurresh e pemësh.

Në prill të vitit 1986, reaktori numër 4 i impiantit nuklear të Çernobilit shpërtheu duke qliruar në atmosferë rreth 400 herë më tepër material radioaktiv se sa bomba atomike e hedhur në Hiroshima në fund të Luftës së Dytë Botëore.

Pavarësisht përpjekjeve të autoriteteve sovjetike për ta izoluar në një “guackë” betoni përzierjen e mbetjeve nukleare, ndotja u përhap me një shpejtësi të madhe.

Megjithatë, imazhet përndjekëse të ndërtesave të braktisura, ku duket se jeta ka ndaluar në një çast krejt papritur, mund të mos vazhdojnë të jenë të tilla edhe për shumë kohë. Qeveria ukrainase, së fundmi ka hartuar një plan për ta kthyer zonën përreth Çernobilit në një fermë energjie diellore, transmeton tema.

Aty pritet të ngrihet një numër i madh panalesh diellore, të cilët do të sigurojnë energji për vendin, duke bërë që çmimi i saj të ulet dhe gjithashtu të bjerë edhe influenca ruse në vend.