0Shares

Sulmi i tmerrshëm që kishte ndodhur në Peral Harbour nga ushtria japoneze 76-vite më parë, ishte dokumentuar me fotografi të shkrepura bardhë e zi që së fundmi janë realizuar kolor.

Vetëm brenda 90 minutave, më shumë se 2.400 ushtarë amerikanë dhe civilë kishin humb jetën në këtë sulm që detyroi SHBA-të të futen në Luftën e Dytë Botërore. Derisa 17 anije luftarake dhe pajisje tjera ishin shkatërruar plotësisht, transmeton Telegrafi.

Në këto imazhe shihet luftanija “USS California”, e cila është zhytur pasi është goditur nga raketat dhe dy bomba gjigante, si dhe luftanijen tjetër “USS Oklahoma” që pas katër goditjeve me raketa ka “kapitulluar”.

Në disa imazhe tjera shfaqen aeroplanët e kapluar nga flaka, pasi hangarët ku ishin të parkuar janë bombarduar nga aeroplanët luftarak japonezë.

Nga 402 fluturaket amerikane që ishin në Havai, 188 janë shkatërruar plotësisht dhe 159 tjera janë dëmtuar pjesërisht.

Por ky veprim i kushtoi shtrenjtë Japonisë e cila pas beteja të ashpra dhe hedhjes së bombave atomike në Hiroshima dhe Nagasaki, nënshkroi kapitullimin. /Telegrafi/

Të Ngjajshme
Shfaq Komentet (0)