Zlatan Ibrahimovic ka thënë se Milano është shtëpia e tij e dytë, duke nxitur më shumë spekulime për të ardhmen e tij.
Klubi i Milanit tashmë i ka ofruar kontratë 18 mujore sulmuesit veteran, ndërsa Bologna është një tjetër klub i interesuar për shërbimet e tij.
"Milano nuk është qyteti im i dytë, është shtëpia ime e dytë. Kam kujtime të shkëlqyera nga koha ime atje", ka thënë ai për Gazzetta dello Sport.
Zlatan Ibrahimovic (Foto: Katharine Lotze/Getty Images/Guliver)
Edhe pse tashmë është 38 vjeçar, Ibra ka deklaruar se mund të luajë deri në moshën 50 vjeçare nëse ka ndonjë projekt që e stimulon.
"Sapo e kam përfunduar përvojën time në Los Angeles. Ka qenë fantastike, tash atje janë dy heronj nga dy botë; unë dhe Giuseppe Garibaldi", ka deklaruar sulmuesi veteran.
Gjatë karrierës, Ibrahimovic ka luajtur te të dyja klubet nga Milano, Interi (2006-2009) dhe Milani (2010-2012). /Telegrafi/
