Ish-mbrojtësi i Aston Villas dhe Boltonit, Jlloyd Samuel, ka ndërruar jetë në një aksident komunikacioni.

Lojtari nga Trinidad dhe Tobago është përplasur me një kamionçinë në afërsi të Warringtonit. Ai ishte 37 vjeçar.

(Foto: Getty Images)

Policia, zjarrfikësit dhe ambulanca ajrore janë paraqitur në vendin e ngjarjes, pasi Range Roveri i tij ishte kapluar nga flakët në vendin e aksidentit.

Aksidenti ka ndodhur mëngjesin e të martës, pasi Samuel i ka dërguar fëmijët në shkollë. Një dëshmitar e kishte thyer xhamin e veturës në përpjekje për ta nxjerrë futbollistin nga vetura, por pa sukses.

“Zjarri ishte shumë i madh. Isha vonë”, ka thënë dëshmitari për Warrington Worldwide.

(Foto: Getty Images)

Lëndime ka pësuar edhe vozitës i kamionçinës, i cili është dërguar në spital për trajtim.

Jlloyd ka lënë pas vetes tre fëmijë dhe gruan e tij, Emma.

Ish-klubet e tij, por edhe FIFA kanë lëshuar telegrame ngushëllimi për familjen dhe fansat e tij. /Telegrafi/